Wikipedia:Hendingar/Juni

< Wikipedia:Hendingar

Januar - Februar - Mars - Apríl - Mai - Juni - Juli - August - September - Oktober - November - Desember

Tað er hósdagur, hin 14. november, 2024 og klokkan er 18:29 (UTC)

Hetta er eitt yvirlit yvir hendingar fyri teir einstaku dagarnar í juni.

Hin 1. juni: Altjóða Barnadagur, Altjóða Foreldradagur

1792 - Kentucky verður 15ndi statur USA.
1796 - Tennessee verður 16indi statur USA.
1960 - Nýsæland byrjar at senda sjónvarp.
1980 - Tíðindasjónvarpstøðin CNN (myndin) byrjar at senda tíðindir
1990 - George H. W. Bush forseti USA og Mikhail Gorbachev forseti Russlands, skriva undir avtalu, har londini steðga framleiðslu av kjarnorkuvápnum.

Hin 2. juni:

1896 - Guglielmo Marconi søkir um patent uppá nýggjastu uppfinning sína útvarpið.
1953 - Elisabeth II av Stóra Bretlandi (myndin) verður krýnd drotning av Stóra Bretlandi, Kanada, Avstralia, Nýsælandi og øðrum hjálondum í bretska stórveldinum.
1962 - HM í fótbólti 1962: Løgreglan má uppí fleiri ferðir, tá italienskir og kilianskir fótbóltsleikarar fara upp at berjast, í tí sum er kallað ein av ógvisligastu dystum í fótbóltsøguni.

Hin 3. juni: Altjóða Bønardagur

1940 - Seinni heimsbardagi: Luftwaffe bumbar Paris í Fraklandi.
1982 - Ísraelski sendiharrin í London, Shlomo Argov, verðu skotin á gøtuni í London. Hann yvirlivir álopið, men lammast.
2006 - Montenegro verður sjálvstøðugt.
2017 - Stóra Bretland: Islamistiskt yvirgangsálop á London Bridge (myndin) hevur við sær at 8 lata lív og 48 verða særd.

Hin 4. juni: Tjóðardagur Tonga

1919 - Amerikanska tingið góðkennir lógaruppskot, ið gevur amerikanskum kvinnum valrætt.
1970 - Tonga (myndin) verður sjálvstøðugt.
1998 - Tiananmen-hópdrápið: Á Himmalfriðartorginum í Beijing drepa og særa kinesiskir hermenninir mótmælisfólk í hundraðtali.
1998 - Terry Nichols verður dømdur í lívstíðarfongsul, fyri leiklut sín í Oklahoma bumbuálopinum.

Hin 5. juni: Grundlógardagur, Altjóða Umhvørvisdagur

1849 - Danska grundlógin verður sett í gildi, tá ið danski kongurin undirskrivar hana henda dagin.
1905 - Vágs Bóltfelag verður sett á stovn.
1911 - Hests kirkja (myndin) verður vígd.
1915 - Danskar kvinnur fáa valrætt.
1968 - Robert F. Kennedy verður skotin.

Hin 6. juni: Tjóðardagur Svøríki

1523 - Gustav Vasa verður kongur av Svøríki.
1944 - Seinni heimsbardagi: Orrustan við Normandíið byrjar.
1984 - Telduspælið Tetris (myndin) verður útgivið fyri fyrstu ferð í Sovjetsamveldinum.
1993 - Mongolia heldur forsetaval fyri fyrstu ferð.
2015 - Føroyar er vertur fyri HM í estetiskum fimleiki. 480 íðkarar, ið umboða 44 lið úr trettan ymiskum londum luttaka í kappingini, sum verður hildin í Høllini á Hálsi 6. og 7. juni.

Hin 7. juni:

1862 - USA og Stóra Bretland avgera at berjast ímóti trælahandil.
1863 - Frakland hertekur meksikanska høvuðsstaðin.
1929 - Vatikanið (myndin) verður sjálvstøðugt ríki.
1982 - Priscilla Presley opnar Graceland fyri almenninginum. Baðirúmið har Elvis Presley doyði 5 ár áðrenn, verður tó ikki opið almenninginum.
2017 - Tvær yvirgangsatsóknir verða samstundis í Tehran, ein í tinginum og ein í einum gravhýsi. Í minsta lagi 18 fólk verða dripin og fleiri enn 40 verða særd. Hetta er fyrsta álop ISIL á Iran.

Hin 8. juni: Altjóða Havsdagur

793 - Víkingar leypa á kleystrið Lindisfarne í Northumbria í Norðuronglandi. Hetta er roknað sum byrjanin á Skandinavisku innrásini av Onglandi.
1783 - Gosfjallið Laki (myndin) í Íslandi fer at goysa. Gosið varar í 8 mánaðir, og hevur við sær at 9.000 lata lív, og at 5 ára hungursneyð varar í landinum.
1941 - Seinni heimsbardagi: Teir sameindu hevja innrás inn í Sýria og Lebanon.
2014 - Føroyska kvinnuflogbóltslandsliðið vinnur allar tríggjar dystirnar í EM-undankappingini fyri smátjóðir.
2018 - Gekkurin í Kringvarpi Føroya fer uppá 3 milliónir krónur fyri fyrstu ferð.

Hin 9. juni: Tjóðardagur Álands

1815 - Luksemborg (myndin) verður sjálvstøðugt.
1934 - Dunnaldur Dunna verður fyrstu ferð at síggja í "The Wise Little Hen".
1999 - Kosovo-kríggið: Jugoslavia og NATO undirskriva sáttmála í norðurmakedónska býnum Kumanovo. Henda avtalan ger m.a., at bumbuálopini á Jugoslavia enda.

Hin 10. juni:

1523 - Keypmannahavn verður umringað av heri Fríðriks I av Danmark, tá býurin ikki vil góðtaka hann sum kong landsins.
1940 - Seinni heimsbardagi: Italia lýsir yvir kríggi ímóti Stóra Bretlandi og Fraklandi.
1947 - Bilafyritøkan Saab (myndin) framleiðir sítt fyrsta akfar.

Hin 11. juni:

1903 - Ein bólkur av serbiskum hermonnum bróta sær veg inn í kongaligu borgina í Serbia, og taka kongahjúnini av lívi.
1962 – Frank Morris, John Anglin og Clarence Anglin verða fyrstu og einastu fangarnir, ið klára at flýggja úr Alcatraz fongslinum (myndin) í USA.
2014 - Avtala um sildakvotu kemur í lag millum Føroyar og Evropasamveldið.

Hin 12. juni: Altjóða dagur ímóti barnatrælkan

1550 - Býurin Helsinki í Finnlandi verður stovnaður av Gustavi I av Svøríki.
1941 - Seinni heimsbardagi: Georg Joensen av Eiði, skipari á Thor úr Sørvági, skjýtur eitt týskt flogfar niður.
1964 - Nelson Mandela (myndin) verður dømdur í lívstíðarfongsul í Suðurafrika.
1978 – David Berkowitz, amerikanskur raðmordari, verður dømdur í 365 ára fongsul.
2014 - Tríggir ísraelskir tannáringar, Eyal Yifrach, Gil-ad Sha'er og Naftali Franke, verða burturfluttir og dripnir av Hamas á Vestara Áarbakka.
2016 - Í einum skotálopi móti einum náttklubbi í Orlando í Florida verða 50 fólk dripin og 53 verða særd.
2017 - Amerikanski lesandi Otto Warmbier, sum hevur sitið í norðurkoreanskum fongsli í næstan hávtannað ár, verður fluttur heim aftur,. Hann andast vikuna eftir.

Hin 13. juni:

1525 - Martin Luther (myndin) giftist Katharinu von Bora, og brýtur lógina, ið bannar rómversk-katólskum prestum og munkum at giftast.
1917 - Fyrri heimsbardagi: Týskland bumbar London. 162 lata lív, har ímillum 46 børn, og 432 onnur koma til skaða.
1997 - Timothy McVeigh verður dømdur til deyða fyri bumbuatsóknina í Oklahoma í 1995.
2000 - Italia náðar Mehmet Ali Agca, turkiska byrsumannin, ið royndi at myrða Jóhannes Páll II páva í 1981.
2005 - Dómstólurin í Santa Barbara, Kalifornia fríkennir poppsangaran Michael Jackson, ið er ákærdur fyri at hava kynsliga misnýtt 13 ára gamla Gavin Arvizo.
2005 - Írskt verður alment mál í Evropeiska Samveldinum.

Hin 14. juni: Altjóða Blóðgevaradagur

1158 - Býurin München í Týsklandi verður stovnaður av Heinrich der Löwe.
1777 - Stars and Stripes (myndin) verður viðurkent sum flagg USA.
1900 - Hawaii gerst amerikanskt øki (United States territory).
1907 - Kvinnur fáa valrætt í Noregi.
1940 - Seinni heimsbardagi: Týskland hertekur París í Fraklandi.
2014 - Tríggjir føroyingar luttaka í donsku fitnesskappingini Natural Power Fitness, ið verður hildin í Randers í Danmark, við góðum úrsliti. Jórun Larsen Mørkøre vinnur kvinnuflokkin, Árna Fjallstein gerst nummar tvey í sama flokki, og David Arge Galán gerst nummar tvey hjá monnum.

Hin 15. juni:

1219 - Slagið við Lyndanisse (í dag býurin Tallinn): fyrstu ferð danska flaggið Dannebrog (myndin) verður nýtt.
1836 - Arkansas verður 25. statur USA.
1954 - Evropeiska fótbóltssamgongan (UEFA) verður sett á stovn í Sveis.

Hin 16. juni:

1884 - Fyrsti rutsjibanin (myndin) opnar í Coney Island skemtigarðinum í New York, USA.
1903 - Bilaframleiðarin Ford verður settur á stovn.
2010 - Butan verður fyrsta land í heiminum, ið bannar tubbak.

Hin 17. juni: bótólvsøka, tjóðardagur Íslands

1944 - Ísland (myndin) fær fullveldi frá Danmark.
1953 - Fólkauppreistur í DDR.
1972 - Watergategølan: 5 starvsfólk úr Hvíta Húsinum verða handtikin fyri at hava brotið inn í skrivstovu demokratanna, ímeðan tey royna at krógva avlurtaratól.
1994 - Eftir eina drúgva, sjónvarpaða biljagstring verður amerikanski fótbóltsspælarin O.J. Simpson endiliga handtikin fyri morðið á konu sína og elskara hennara.

Hin 18. juni: Altjóða Autismu Dagur

1830 - Frakland hertekur Algeria.
1900 - Keisaradrotningin í Kina boðar frá at allir útlendingar, staðsettir í landinum, skulu avrættast, harímillum diplomatar og familjur teirra.
1928 - Amelia Earhart (myndin) verður fyrsta kvinna, ið flýgur í flogfari yvir Atlantshavið. Hesaferð tó bert sum ferðafólk.

Hin 19. juni:

1862 - Amerikanska tingið bannar trælahald.
1961 - Kuveit verður sjálvstøðugt.
1976 - Carl XVI Gustaf, svenskur kongur, giftist við Silviu Sommerlath í dómkirkjuni í Stokkhólmi.
2010 - Victoria av Svøríki (myndin) giftist Daniel Westling í Stokkhólmi.

Hin 20. juni: Altjóða Flóttafólkadagur

2003 - Wikimedia Foundation (myndin), ið millum annað tekur sær av Wikipediu, verður sett á stovn í Florida, USA.
2004 - Føroysk Wikipedia verður sett á stovn.
2005 - Margretha drotning leggur hornasteinin til Hoyvíkar kirkju.

Hin 21. juni: Tjóðardagur Grønlands, Altjóða Tónleikadagur

1898 - Amerikanarar hertaka Guam.
1900 - Boksarauppreistur: Kina lýsir við kríggi ímóti USA, Stóra Bretlandi, Týsklandi, Fraklandi, og Japan.
2009 - Grønland (myndin) fær økt sjálvstýri.
2015 - Føroyski sjónleikarin Olaf Johannessen vinnur Reumert-prísin fyri besta mannliga høvuðsleiklutin í Danmark.

Hin 22. juni:

1722 - Hægstarættardómarin í Onglandi fellur dómin, at trælahald í Onglandi er ólógiligt.
1906 - Svenska flaggið (myndin) verður tikið í nýtslu.
1911 - George V og Mary of Teck verða krýnd í Westminster Abbey til kong og drotning av Stóra Bretlandi
1986 - Diego Maradona skorar víðagitna "Hand of God" málið á HM í fótbólti 1986, ið verður hildið í Meksiko.

Hin 23. juni: Altjóða Ekkjudagur

1865 - Amerikanska Borgarakríggið endar, tá ið teir seinastu hermenninir hjá suðurstatunum (Sameindu Amerikonsku Suðurríkini) leggja vápnini í Oklahoma.
1894 - Altjóða Olympiska Ráðið (IOC) (myndin) verður sett á stovn í París, Fraklandi.
1960 - Føði- og Heilsuráðið í USA, góðkennir tann fyrsta P-bollan, sum kynsliga fyrirbyrging til kvinnur.
2014 - Tey síðstu av kemisku vápnunum, ið vitað er um í Sýria, verða flutt út úr landinum og burturbeind.

Hin 24. juni: Jóansøka,

1913 - Serbia og Grikkaland slíta samstarvs sáttmálan við Bulgaria.
2012 - "Einsamalli Georg", síðsta eftirlivandi skjaldbøkan av Galapagos ættini doyr.
2013 - Silvio Berlusconi (myndin), fyrrverandi italienskur forsætisráðharri, verður dømdur í sjey ára fongsul, fyri at hava misnýtt vald sítt, kynsligt samband við einari ómyndugari skøkju.

Hin 25. juni: Tjóðardagur Mosambik,

1530 - Augsburgska trúarjáttanin verður lisin á týskum máli fyri týsk-rómverska keisaranum Karl V. Keisarin fær tvey eintøk av trúarjáttanini, annað á týskum máli og hitt á latíni.
1947 - Dagbók Onnu Frank verður útgivin.
1975 - Mosambik verður sjálvstøðugt.
1978 - Ælabogaflaggið, sýmbol LGBT verður flaggað fyri fyrstu ferð á Gay Pride hátíðini í San Francisco, USA.
1991 - Kroatia og Slovenia gerast sjálvstøðug.

Hin 26. juni: Tjóðardagur Madagaskar, Tjóðardagur Somalia

1906 - Fyrsta bilkappkoyringin nakrantíð verður hildin.
1960 - Madagaskar og Somalia gerast sjálvstøðug.
1963 - John F. Kennedy (myndin) flytur fram víðagitnu "Ich bin ein Berliner" røðuna í Berlin, Týsklandi.
2007 - Føroya Banki (seinni umdoyptur BankNordik) verður skrásettur á virðisbrævamarknaðinum.
2015 - Føroyar vinna Emerging Nations hondbóltskappingina fyri menn í Kosovo, tá ið finalan verður vunnin 27-24 móti Lettlandi.

Hin 27. juni: Tjóðardagur Djibuti

1950 - Koreakríggið: USA avger at senda hermenn at berjast í krígnum.
1977 - Djibuti verður sjálvstøðugt.
2007 - Tony Blair (myndin) fer frá, eftir 10 ár sum forsætisráðharri í Stóra Bretlandi

Hin 28. juni:

1298 - Seyðabrævið verður sett í gildi av Hákuni hertuga Magnussyni.
1838 - Victoria av Stóra Bretlandi (myndin) verður krýnd drotning.
1992 - Estiska Grundlógin verður undirskrivað.
1996 - Ukrainska Grundlógin verður undirskrivað.

Hin 29. juni: Tjóðardagur Seyskelloyggja

1975 - Steve Wozniak (myndin) avprøvar fyrstu prototýpu av Apple I teldu síni.
1976 - Seyskelloyggjar verða sjálvstøðugar.
2007 - Apple útgevur fyrstu Iphonina.
2014 - Brandur í Funningsstovu nær upp á toppin á Denali (Mount McKinley), ið er 6194 metrar høgt.

Hin 30. juni: Tjóðardagur Kongo

1937 - Stóra Bretland tekur heimsin fyrsta neyðartelefonnummar (999) í nýtslu.
1954 - Full sólarmyrking í Føroyum.
1960 - Kongo (myndin) verður sjálvstøðugt.

Januar - Februar - Mars - Apríl - Mai - Juni - Juli - August - September - Oktober - November - Desember

Heintað frá "https://fo.wikipedia.org/w/index.php?title=Wikipedia:Hendingar/Juni&oldid=301844"