Estland

Estland er lýðveldi í Norðurevropa. Í suðri hevur Estland mark við Lettland, í eystri við Russland, og í vestri við Eystrasalt og í norðri við Finnlandsfjørðin. Høvuðsstaðurin er Tallinn.

Estland 2021

Søga Edit

Estland hevur verið bygt í minsta lagi síðan ár 9000 f.Kr.^[1]

Landalæra Edit

Landið er sum øll tey baltisku londini slættlendi, men ikki er meira enn fjórðingurin av tí dyrkaður. Hetta kemur av tí, at jørðin nógvastaðni er so botnvát, at hon ber einki uttan gras. Í støðum eru stórar mýrar, sum teir skera torv í. Mitt í landinum er jørðin betri, og har velta teir væl av korni. Stórir skógir vaksa ymsastaðni, og hópur av viði verður útfluttur.

Politikkur Edit

Í mei 2008 varð Jóhan Páll Joensen útnevndur til konsul fyri Estland av Matti Maasikas aðalskrivara í estlendska uttanríkisráðnum.

Estiskir forsætismálaráðharrar Edit

Edgar Savisaar (3. apríl 1990 - 30. januar 1992)
Tiit Vähi (30. januar 1992 - 21. oktober 1992)
Mart Laar (21. oktober 1992 - 8. november 1994)
Andres Tarand (8. november 1994 - 17. apríl 1995)
Mart Siimann (17. apríl 1995 - 17. mars 1997)
Mart Laar (17. mars 1997 - 25. mars 1999)
Siim Kallas (25. mars 1999 - 28. januar 2002)
Juhan Parts (28. januar 2002 - 13. januar 2005
Andrus Ansip (13. januar 2005) - 26. mars 2014
Taavi Rõivas (26. mars 2014) - 23. november 2016
Jüri Ratas (síðani 23. november 2016)

Búskapur Edit

Av ídnaðarvaru gera teir pappír, sement og klæði. Nú á døgum er stórur búskaparvøkstur í Estlandi. Hagtøl fyri tann fyrsta ársfjórðingin í 2011 vísa, at bruttotjóðarframleiðslan var 2,1 prosent størri enn í oktober ársfjórðingi í 2010. Samanborið við januar ársfjórðing í 2010 var vøksturin 8,1 prosent. Hagtølini eisini vísa, at útflutningurin av ídnaðarvørum er vaksin heili 53 prosent samanborið við januar ársfjórðing í 2010. Hinvegin er inflasjónin framvegis stór, 5,4 prosent ^[2].