Lat upp høvuðsmeny

Løgtingsvalið 2019 til Føroya Løgting varð leygardagin hin 31. august 2019. Løgmaður, Aksel V. Johannesen, útskrivaði valið ólavsøkudag 29. juli 2019. Valið varð seinasta dagin í valskeiðnum, sum møguligt var at halda løgtingsval, tí at seinasta løgtingsval var tann 1.september 2015.[1][2][3] Á valinum í 2019 vóru okkurt um 1000 fleiri veljarar enn á valinum 2015.

Innihaldsyvirlit

Flokkar og valevniRætta

Sjey tingfólk høvdu boðað frá, at tey stilla ikki uppaftur. Tey vóru Kári P. Højgaard, Bjørn Kalsø, Sonja Jógvansdóttir, Magni Laksáfoss, Helena Dam á Neystabø, Edmund Joensen og Joen Magnus Rasmussen.[4]

Kristin Michelsen, sum varð valdur á listanum hjá Javnaðarflokkinum á seinasta løgtingsvali, var hesa ferð á listanum hjá Sjálvstýrinum.[5]

Níggju flokkar vóru at velja millum á løgtingsvalinum 2019. Tað vóru teir sjey flokkarnir, sum tá vóru í løgtinginum, og tveir nýggir. Teir nýggju vóru Framtakið fyri rættinum at velja kannabis og Føroyaflokkurin.[6][7] Tilsamans 179 valevni bjóðaðu seg fram til løgtingsvalið, 121 menn og 58 kvinnur.[8] Tann 17. august kl. 18 var seinasta freist at lata valevnislistar inn til formannin í løgtingsvalnevndini.[9]

Atkvøðugreiðslan byrjaði 31. august 2019, kl. 10.00 fyrrapart og helt fram til kl. 20.00.[10]

Flokkar Valevni[8][11][12]
  AFólkaflokkurin 28
  BSambandsflokkurin 29
  CJavnaðarflokkurin 28
  DSjálvstýri 15
  ETjóðveldi 34
  FFramsókn 14
  HMiðflokkurin 15
  KFramtakið 12
  LFøroyaflokkurin 4

ÚrslitRætta

FlokkarRætta

Fólkaflokkurin gekk 5,6 prosentstig fram og gjørdist stóri vinnarin á løgtingsvalinum. Javnaðarflokkurin hevði størstu afturgongdina við 2,9 prosentstig, men Tjóðveldi og Framsókn mistu eisini meira enn 2 prosentstig.

  • Atkvøðurætt: 37.827
  • Upptaldar atkvøður: 33.779
  • Blankar/ógildugar: 85/65
  • Valluttøka: 89,7%
Flokkar Atkvøður Tinglimir
Listar # ± # % ± % # ±
  AFólkaflokkurin 8290 +2188 24,5 +5,6 8 +2
  BSambandsflokkurin 6874 +828 20,3 +1,6 7 +1
  CJavnaðarflokkurin 7480 -613 22,1 -2,9 7 -1
  DSjálvstýri 1157 -148 3,4 -0,6 1 -1
  ETjóðveldi 6127 -564 18,1 -2,6 6 -1
  FFramsókn 1559 -682 4,6 -2,3 2 ±0
  HMiðflokkurin 1815 +36 5,4 -0,1 2 ±0
  KFramtakið 310 +310 0,9 +0,9 0 ±0
  LFøroyaflokkurin 167 +167 0,5 +0,5 0 ±0
33779 100,0 33

Tølini eru frá heimasíðuni hjá KvF.[13][14]

Persónligar atkvøðurRætta

Aksel V. Johannesen gjørdist toppskorari á valinum við 2327 atkvøðum. Bárður á Steig Nielsen fekk næstflestar við 1220. [15] Av teimum valevnunum, ið vórðu vald inn á ting fyri fyrstu ferð, fekk Beinir Johannesen flestar atkvøður við 995.

Persónligar atkvøður av teimum 33 fólkunum, ið manna nýggja løgtingið.[13][14]
(25 menn og 8 kvinnur. Finteljingin er liðug.)[16]

Valevni Atkvøður
  CAksel V. Johannesen 2327
  BBárður á Steig Nielsen 1220
  EHøgni Hoydal 1209
  ABeinir Johannesen 995
  AJacob Vestergaard 779
  AJørgen Niclasen 724
  AJógvan á Lakjuni 680
  AChristian Andreasen 583
  BMagnus Rasmussen 575
  AJákup Mikkelsen 549
  CIngilín Didriksen Strøm 543
  BHelgi Abrahamsen 498
  ESirið Stenberg 491
  HJenis av Rana 472
  BKaj Leo Holm Johannesen 468
  AUni Rasmussen 464
  AElsebeth Mercedis Gunnleygsdóttur 461
  CHenrik Old 443
  CHeðin Mortensen 425
  EBjørt Samuelsen 406
  HBill Justinussen 371
  BFrimodt Rasmussen 356
  CDjóni Nolsøe Joensen 352
  EKristina Háfoss 346
  BRósa Samuelsen 314
  EBeinta Løwe 299
  DKristin Michelsen 298
  EHervør Pálsdóttir 289
  CJóhannis Joensen 284
  FBjarni K. Petersen 280
  BJohan Dahl 277
  CBjarni Hammer 271
  FPoul Michelsen 271

Hygg eisini atRætta

Ávísingar úteftirRætta

KeldurRætta