Jørgen Niclasen

Jørgen Niclasen (føddur 17. januar 1969 í Sørvági) er føroysk politikari og vinnulívsmaður. Hann var formaður Fólkafloksins frá 2007 til 2022 og hann hevur verið løgtingsmaður frá 1994 Jørgen Niclasen var landsstýrismaður í fiskivinnumálum 19982003, landsstýrismaður í uttanríkismálum (uttanríkisráðharri) frá 2008 og fíggjarmálaráðharri frá 2011.

Jørgen Niclasen
Jorgen Niclasen (2).jpg
er eitt menniskja
Fødd(ur) 17. jan 1969 í/á Sørvágur
Starv politikari, vinnulívsfólk
Politiskur flokkur Hin føroyski fólkaflokkurin
Dátuheiti
Commons Jørgen Niclasen

TollmáliðEdit

Í desember 2013, stutt fyri jól, varpaðu føroyskir fjølmiðlar ljós á Jørgen Niclasen, sum var fíggjarmálaráðharri, tey varpaðu ljós á tíðina frá 1989 og fyrst í 1990-árunum, meðan hann var stjóri í familjufyritøkuni P/F N. Niclasen. Sambært skjølum, ið miðlarnir løgdu fram, hevði virkið hjá Jørgeni Niclasen tikið vøru út úr einari tollgoymslu sum ikki var tollað og selt hana ótollaða og har við snýtt landskassan fyri fleiri hundraðtúsund krónur. Fyritøkan hevði havt ein tollkreditt sum varð uppsagdur, men helt tó fram við at selja ótollaðar vørur. Jørgen Niclasen vísti øllum ákærum aftur.[1] Løgmaður Kaj Leo Holm Johannesen stuðlaði sínum fíggjarmálaráðharra og segði, at hann hevði fult álit á honum.[2][3] Tað gjørdi hann eisini tann 28. mai 2014, tá ið andstøðan setti fram misálit á Jørgen Niclasen. Tá ið avtornaði vóru tað tríggir úr samgonguni ið atkvøddu fyri uppskotinum um misálit, tveir sambandstingmenn, Reimund Langgaard og Helgi Abrahamsen og Jenis av Rana, formaður Miðfloksins.

RúsdrekkakoyringEdit

10. februar 2022 kl. 11.26 var Jørgen Niclasen tikin fyri rúsdrekkakoyring í Vági[4]. Jørgen Niclasen var á veg at keypa morgunbreyð, tá ið hann var steðgaður og biðin um at blása í alkoholmetrið[5]. Alkoholmetrið vísti eina promillu á 1,26. Hægst loyvda promillan, tá ið ein skal føra bil er 0,2[4]. Eina lítla viku seinni, kom málið undan kavið og Jørgen Niclasen bað Løgmann, Bárður á Steig Nielsen, loysa seg úr starvið[6][5].

Sí eisiniEdit

KeldurEdit

  1. jn.fo, "Jørgen Niclasen vísir aftur, at hann hevur snýtt í tolli", Tíðindaskrivið er skrivað av Jørgeni Niclasen
  2. aktuelt.fo, Løgmaður fult álit á Jørgeni Niclasen, skrivað hevur Georg L. Petersen hin 20. des. 2013.
  3. kvf.fo, Løgmaður hevur fult álit á Jørgeni Niclasen
  4. 4.0 4.1 Eirikur, Lindenskov (16.02.2022). "Jørgen Niclasen tikin fyri rúsdrekkakoyring". in.fo. https://in.fo/news-detail/joergen-niclasen-tikin-fyri-rusdrekkakoyring. 
  5. 5.0 5.1 Ólavur, í Beiti (16.02.2022). "Jørgen Niclasen leggur frá sær sum landsstýrismaður". http://www.vp.fo/news/joergen-niclasen-leggur-fra-saer-sum-landsstyrismadur-1. 
  6. Eirikur, Lindenskov (16.02.2022). "Løgmaður hevur loyst Jørgen Niclasen úr starvið". https://in.fo/news-detail/loegmadur-hevur-loyst-joergen-niclasen-ur-starvid.