Strandfaraskip Landsins

Strandfaraskip Landsins
Høvuðsskrivstova	Tvøroyri
Tænastuøki	Føroyar, á landi og sjógvi
Lyklapersónar	Hilmar Eliasen (stjóri)
Tænastur	Ferðafólkaflutningur; Farmaflutningur
Eigari	Føroya Landsstýri
Heimasíða	www.ssl.fo

Strandfaraskip Landsins (eisini nevnt Strandferðslan) stendur fyri landsdekkandi flutningskervinum í Føroyum. Strandferðslan er stovnur undir Vinnumálaráðnum. Tey fyrstu nógvu árini hevði stovnurin (umsitingin) bústað í Havn, men í 2007 avgjørdi táverandi landstýrismaðurin sum varðaði av stovninum, Jacob Vestergaard, at flyta stovnin til Suðuroyar. Strandferðslan flutti inn í fyrrverandi smiðjuna á Tvøroyri, sum var blivin umvæld til endamálið, 14. januar 2008.^[2] Tað var stór ónøgd norðanfjørðs um flytingina, serliga hjá strarvsfólkunum, sum ikki sóu seg før fyri at flyta suður við. Ónøgdin stóðst eisini av mátanum, ið starvsfólkini fingu kunningina um hesa stóru avgerð, tí hana náddu tey ikki at fáa frá leiðsluni men hoyrdu tað frá fjølmiðlunum. Í Suðuroynni fegnaðust fólk hinvegin um at fáa fleiri arbeiðspláss til oynna. Tá avtornaði flutti bara táverandi stjórin, Regin Vágadal, við suður, eitt av starvsfólkunum í umsitingini heilt tó fram í sínum starvi, men røkti tað úr høvuðsstaðnum. Áðrenn stovnurin flutti suður fingu starvsfólkini hoyringsskriv um ætlaðu flytingina og fingu í boði at flyta við suður ella at verða søgd úr starvi. So við og við vóru nýggj fólk sett í starv í staðin fyri tey sum vóru í størvum har fyrr. Nøkur fingu starv har, meðan stovnurin enn var í Havn, nakrir mánaðir áðrenn umsitingin flutti suður, meðan onnur byrjaðu í starvinum eftir at stovnurin var fluttur suður.

Virksemi

Virksemið er skipað í tvær deildir:

Oyggjaleiðir taka sær av sjóvegis flutningi millum oyggjarnar við størri og smærri ferjum
Bygdaleiðir taka sær av ferðafólkaflutningi yvir land við bussum

Ein triðja deild var Farmaleiðir, ið tók sær av farmaflutningi um alt landið, men henda deild varð einskild í 2005. Fyrst hevði Strandferðslan samstarv við Samskip. Men í 2006 var deildin Farmaleiðir seld. Strandferðslan helt uppat at veita hesa tænastu frá 1. apríl 2006, tá P/F Heri Thomsen tók yvir. Tó hevði Strandferðslan nøkur undantøk, avmarkaður vøruflutningur helt fram millum hesi øki:

Stykkjagóðs og fiskaflutningur ímillum farmahølið í Tórshavn og farmahølið á Tvøroyri
Stykkjagóðs millum Klaksvík og bygdirnar á Kalsoy, Svínoy og Fugloy
Stykkjagóðs (og lutvíst fiskaflutningur) millum farmahølið í Tórshavn og Hest, bygdirnar á Sandoy og Skúvoy.^[3]

Eftir at Farmaleiðir bleiv einskilt, tóku privatar fyritøkur yvir har ið tað loysti seg. Har ið tað ikki loysti seg, eru tað ferðamannaskipini hjá Strandferðsluni ið røkja uppgávuna. Strandferðslan flytir sostatt farm millum oyggjarnar, har tað ikki er landfast. Av og á er tað orsøk til at t.d. ein stór ferja sum Smyril, ið annars tekur 200 bilar ikki fær pláss fyri so nógvum bilum, og ávísar dagar kemur tað fyri, at bilar standa eftir á kaiini. Hetta kemur eisini fyri á Sandoyarleiðini, men har er trupulleikin ikki bert farmur men eisini at tørvurin á at flyta vanligar persónbilar er størri enn skipið rúmar, serliga tá fólk eru á veg til arbeiðis ella frá arbeiði og tá t.d. jarðarferðir eru.

Skip

Strandferðslan eigur ferðamannaskip, sum røkta sjóvegis farleiðirnar til oyggjar, sum ikki hava fast samband við meginlandið. Tó eru oyggar sum bert hava loftvegis samband, tað eru Koltur og Stóra Dímun. Mykinesleiðin verður ikki røkt av skipi, ið Strandferðslan eigur. Strandferðslan bjóðar Mykinesleiðina út til privatar at røkja annað til triðja hvørt ár. Í 2012 eru tað bátarnir M/B Silja Star og M/B Froyur, sum røkja farleiðina, men bert um summarið frá 1. mai til 31. august og møguliga eisini í heystfrítíðini, um viðrar.^[4]

Smyril, siglir millum Tórshavn og Krambatanga í Suðuroynni^[5]
Teistin, siglir millum Gomlurætt á Streymoynni, Skopun á Sandoynni og Hestoynna
Ternan, siglir millum Tórshavn og Nólsoy
Ritan, siglir millum Hvannasund, Svínoy og Fugloy. Hevur fyrr siglt millum Tórshavn og Nólsoy í nógv ár.
Sildberin, siglir millum Sandoy og Skúvoy
Súlan er eykaskip, sum siglir farm millum Sandoy og Skúvoy
Sam, siglir millum Klaksvík og Kalsoynna

Fyrrverandi ferðamannaskip hjá Strandferðsluni

Dúgvan
Másin er ikki í sigling longur, røkti leiðina millum Hvannasund, Svínoy og Fugloy
Barsskor

Bussrutur

Ein av bussunum hjá Bygdaleiðum. Strandferðslan ger sáttmála við privatar busseigarar um at røkjta tær ymisku leiðirnar.

Stjórar á Strandferðsluni

Yvirlitið er ikki fullfíggjað

1. juni 2014 - Hilmar Eliasen
13. januar 2014 - Regin I. Jakobsen settur sum fyribils stjóri, virkandi stjóri til 31. mai 2014.
18. desember 2013 - fyribilssettur stjóri í tríggjar vikur Hans Jóhannes á Brúgv, meðan Bogi Mortensen var sjúkrameldaður^[6]
1. februar 2009 - Bogi Mortensen 13. januar 2014
1. mai 2008 - 31. jan. 2009 Dánjal Andreasen
19. nov. 2007 - 30. apr. 2008 - Jákup Danielsen
1. mai 2007 - 19. nov. 2007 - Regin Vágadal^[7]
sep. 2006 - 30. apríl 2007 - Niels Juel Arge (yngri)
1. januar 2003 - sep. 2006 - Kristian Davidsen^[8]
13. jan. 1997 - 31. des. 2002 - Reidar Nónfjall^[9]
okt. 1996 - jan. 1997 - Erling í Liða
des. 1994 - okt. 1996 - Thomas Arabo
des. 1992 - des. 1994 - Thomas Magnussen
1991 - des. 1992 - Johan Restorff Jacobsen
1989 - 1991 - Thomas Arabo
1981 - 1989 - Johan Restorff Jacobsen
1973 - 1981 - Thomas Arabo
ca. 1965 - 1974 - Johan Restorff Jacobsen
Frá fyrst í 1960-árunum - ca. 1965 - Dánjal Danielsen
Borghild Schrøder, kona Evensen tekur við og er administrator fram til mitt í 1960-unum
Frá umleið 1920 er Eivind Evensen "administrator" til hann doyr.
Í 1917 yvirtekur tað almenna Smyril (Smiril) frá Mortensen brøðrunum á Tvøroyri

Sí eisini

Málið um hallið á Strandfaraskipum Landsins í 2013

Keldur

↑ Leiðsla Archived 2019-05-30 at the Wayback Machine, ssl.fo
↑ ssl.fo, Ársroknskapur 2008 (pdf-fíla), síða 3^{[deyð leinkja]}
↑ SSL.fo, Farmaleiðir seldar
↑ "SSL.fo, Oyggjaleiðir, Mykines - Sørvágur". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2012-09-23. https://web.archive.org/web/20120923141752/http://www.ssl.fo/Default.asp?sida=2959. Heintað 2012-09-15.
↑ "Ssl.fo, M/F Smyril". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2012-12-10. https://web.archive.org/web/20121210174608/http://www.ssl.fo/Default.asp?sida=2982. Heintað 2013-12-20.
↑ "in.fo, Johan Dahl vísir øllum skuldsetingum aftur". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2013-12-31. https://web.archive.org/web/20131231001725/http://www.in.fo/news-detail/news/johan-dahl-visir-oellum-skuldsetingum-aftur/. Heintað 2013-12-20.
↑ ssl.fo, Regin nýggjur stjóri á Strandfaraskipum Landsins
↑ ssl.fo, Nýggjur stjóri á Strandfaraskipum Landsins
↑ samband.fo, Reidar Nónfjall

Slóðir úteftir

SSL.fo

Wikimedia Commons logo

Sí miðlasavnið

»Strandfaraskip Landsins« í Wikimedia Commons.

[1] Leiðsla Archived 2019-05-30 at the Wayback Machine, ssl.fo

[2] ssl.fo, Ársroknskapur 2008 (pdf-fíla), síða 3^{[deyð leinkja]}

[3] SSL.fo, Farmaleiðir seldar

[4] "SSL.fo, Oyggjaleiðir, Mykines - Sørvágur". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2012-09-23. https://web.archive.org/web/20120923141752/http://www.ssl.fo/Default.asp?sida=2959. Heintað 2012-09-15.

[5] "Ssl.fo, M/F Smyril". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2012-12-10. https://web.archive.org/web/20121210174608/http://www.ssl.fo/Default.asp?sida=2982. Heintað 2013-12-20.

[6] "in.fo, Johan Dahl vísir øllum skuldsetingum aftur". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2013-12-31. https://web.archive.org/web/20131231001725/http://www.in.fo/news-detail/news/johan-dahl-visir-oellum-skuldsetingum-aftur/. Heintað 2013-12-20.

[7] ssl.fo, Regin nýggjur stjóri á Strandfaraskipum Landsins

[8] ssl.fo, Nýggjur stjóri á Strandfaraskipum Landsins

[9] samband.fo, Reidar Nónfjall

[2]

[1]

[3]

[4]

[5]

[6]

[7]

[8]

[9]