Rituvík

Rituvík er ein bygd í Eysturoynni. Rituvík er niðursetubygd frá 1873 og búgva 244 fólk (2013) í bygdini í dag. Kirkjan í Rituvík varð vígd 18/12 1955. Minnisvarði er reistur á staðnum í 1975 yvir tey fyrstu 8 húskini, ið settu búgv har. Maðurin við hakanum vísir strevið við at velta upp úr nýggjum, og konan við stokkunum vísir á knossið við at virka klæðir úr ullini. Áskriftin er: "Tann kraft sum teimum treysti gav, var lít til Gud og land og hav". Um summarið verður skipað fyri mentanartiltaki niðri á støðni.

Rituvík
Ridevig (danskt)
Bygd
Rituvík
Land	Føroyar
Sýsla	Eysturoya sýsla
Oyggj	Eysturoy
Kommuna	Runavíkar kommuna
Íbúgvar	271 (2015)
Postnummur	FO-640
Markatal	-

Rituvík

Minnisvarðin í Rituvík, sum Fridtjof Joensen hevur gjørt.

Tann 21. juli 2012 varð kunngjørt, at børnini hjá Magnus Olsen og Elsebeth Olsen, Olsensystkinini, rundaðu 1.000 ár, og harvið gjørdust heimsins elsti systkinnabólkur, staðfest í Guinness rekordbók.