Róland Toftum

Róland Toftum (føddur 1998) úr Vági er ein føroyskur svimjari, sum svimur fyri Susvim og Føroyar. Hann er fyrsti føroyingur, ið hevur svomið 50 metrar bringu á langgeil undir 30 sekund.

Róland Toftum

Persónlig kunning
Tjóðskapur	Føroyar
Fødd(ur)	1998 Vágur
Ítróttur
Ítróttur	Svimjing
Svimjiháttur	Bringu, frí
Felag	Susvim
Heiðursmerkjayvirlit Oyggjaleikir 2017 Gotland 50 m bringu 2017 Gotland 100 m bringu 2015 Jersey 4x50 m blandað 2015 Jersey 4x100 m frí 2015 Jersey 4x100 m blandað 2017 Gotland 4x100 m blandað

Lívsleið innan svimjing

Oyggjaleikir 2017

• Silvur í 50 metrar bringu við tíðini 29.18
• Silvur í 100 metrar bringu við tíðini 1:03,76
• Bronsu í 4x50 m blandað. Hinir á liðnum vóru: Marius Ihlen Gardshodn, Alvi Hjelm, Óli Mortensen. Teir svumu við samlaðu tíðini 1:44,97.

Danish Open 2016

Róland luttók saman við øðrum føroyskum svimjarum á Danish Open í Bellahøj í apríl 2016. Hann setti tvær ferðir nýtt føroyskt met og juniormet í 50 metrar bringu, fyrst í innleiðandi riðlunum við tíðini 29.89. Hann gjørdist harvið fyrsti føroyingur, ið hevur svomið 50 metrar bringu á langgeil undir 30 sekund. Hann svam í fýra B-finalum, tað var í 50, 100 og 200 bringu og í 50 m frí.

• Setti føroyskt met og juniormet í 50 m bringu í innleiðandi riðli við tíðini 29.89
• Setti føroyskt met og juniormet í 50 m bringu í finaluni við tíðini 29.81

FM á langgeil 2016

Fyrsta FM-svimjikappingin á langgeil nakrantíð varð hildin í Páls Høll í Vági vikuskiftið frá 11. til 13. mars 2016. Róland vann fleiri heiðursmerki og setti føroysk met.

• Gull í 200 m bringu við tíðini 2:24.58
• Gull í 100 m bringu við tíðini 1:06.88
• Gull í 50 m bringu við tíðini 30.01
• Gull í 50 m frí við tíðini 24.45
• Gull í 4X100 m frí við tíðini 3:42.95, ið var nýtt føroyskt met fyri feløg (ikki landslið)
• Bronsu í 100 m frí við tíðini 55.14

Reykjavík International Games 2016

Róland setti nýtt føroyskt met og juniormet í 50 m bringu á langgeil í innleiðandi riðlum við tíðini 30.45. Pál Joensen átti gamla metið á 30.65 frá Bergen Swim Festival 2015. Markus Joensen úr Havnar Svimjifelag átti føroyska juniormetið á 31:81, frá Evropeisku JuniorMeistarastevnuni í Póllandi í 2013.

Róland setti nýtt føroyskt juniormet í innleiðandi kapping í 100 metrum bringu við tíðini 1:07.76. Markus Joensen úr Havnar Svimjifelag átti juniormetið á 1:08.93 frá 2013.

• Gull í 50 m bringu við tíðini 30.03, ið var nýtt føroyskt met og juniormet
• Gull í 200 m bringu við tíðini 2:23.72, ið var nýtt føroyskt juniormet
• Silvur í 100 m bringu við tíðini 1:06.87, ið var nýtt føroyskt juniormet
• Silvur í 50 m frí við tíðini 24.38, ið var hansara persónligt besta tíð

NM og NJM á stuttgeil í 2015 í Bergen

Róland setti trý juniormet á Norðurlendsku JuniorMeistarastevnuni á stuttgeil, ið varð hildin í Bergen í desember 2015. Hann setti juniormet í 200 m bringu, fyrst í innleiðandi riðlunum við tíðini 2:19.52 og síðan í finaluni við tíðini 2:19.37. Róland setti eisini nýtt føroyskt juniormet í 100 metra bringusvimjing á stuttgeil, tá ið hann í innleiðandi riðlunum á NM/NJM 2015 í Bergen svam teinin uppá 1:04.43.

Oyggjaleikir 2015

Róland saman við venjara sínum Jón Bjarnason og Susvim-svimjarunum Eyðbjørn Joensen og Sáru R. Nysted í juli 2015.

• Bronsu í 4x50 m blandað við tíðini 1:44.22, hinir vóru: Alvi Hjelm, Eyðbjørn Joensen og Pál Joensen
• Bronsu í 4x100 m blandað við tíðini 3:50.51 hinir vóru: Alvi Hjelm, Óli Mortensen og Pál Joensen
• Bronsu í 4x100 m frí við tíðini 3:26.31, ið var nýtt landsliðsmet. Hinir vóru: Pál Joensen, Eyðbjørn Joensen og Óli Mortensen

FM í svimjing 2015

Róland setti føroyskt juniormet í 200 bringu við tíðini 2:21.33.

• Gull í 4x50 m frí við tíðini 1:36.51, hinir vóru: Eyðbjørn Joensen, Rói Bech og Pál Joensen.
• Gull í 4x100 m frí við tíðini 3:33.48, hinir vóru: Eyðbjørn Joensen, Rói Bech og Pál Joensen.
• Silvur í 50 m bringu við tíðini 30.40
• Silvur í 50 m frí við tíðini 24.10

Reykjavík International Games 2015

Kappingin var hildin vikuskifti 16. til 18. januar 2015.

• Gull í 200 metrar bringu fyri menn, opin bólkur. Setti nýtt føroyskt juniormet við tíðini 2:29.49.
• Bronsu í 100 bringu við tíðini 1:10.31

NM og NJM 2014 í Upplands Väsby

• Nr. 7 í 200 metrar bringu við tíðini 2:29.03

FM 2014

Róland luttók á FM í svimjing 2014, sum varð hildið í Havn vikuskiftið 16., 17. og 18. mai 2014. Hann vann fleiri heiðursmerki bæði í einstaklingakappingum og liðkappingum. Besta úrslitið hjá honum var í liðkapping í 4 ferðir 50 metrum frí, har ið teir settu nýtt føroyskt met. Á stevnuni varð hann eisini kosin sum Ársins stjørnuskot 2014 hjá monnunum.

• Gull í 4 x 100 m blandað við tíðini 3:59.75 við Harrar Susvim, saman við Pál Joensen, Eyðbjørn Joensen og Dánjal Martin Hofgaard.
• Gull í 4 x 100 m frí við tíðini 3:32.77, saman við Eyðbjørn Joensen, Dánjal Martin Hofgaard og Pál Joensen
• Gull í 4 x 50 m frí við tíðini 1:34.96, sum var nýtt føroyskt met, saman við Høgna Simonsen, Eyðbjørn Joensen og Dánjal Martin Hofgaard.
• Silvur í 50 m frí við tíðini 24.15
• Bronsu í 200 m bringu við tíðini 2:32.31
• Bronsu í 100 m bringu við tíðini 1:10.24
• Bronsu í 100 m frí við tíðini 54.47

Meistarastevna fyri ung 2014

Róland luttók á Meistarastevnu fyri ung í Svimjihøllini í Havn 25. og 26. apríl 2014. Hann gjørdist mest vinnandi drongur og næst mest vinnandi av øllum, næst eftir Sáru R. Nysted. Róland vann 12 gull, 2 silvur og 1 bronsu heiðursmerki.

NMU 2013

Róland luttók á norðurlendsku meistarastevnuni fyri ung, sum varð hildin í Reykjavík í juli 2013.

• Nr. 6 í 50 m frí við 25.39
• Nr. 8 í 200 m bringu við 2:41.57
• Nr. 11 í 100 m frí við tíðini 56.99.
• Nr. 13 í 200 m frí við tíðini 2:12.25.
• Nr. 5 í 4x200 m frí fyri blandað lið við tíðini 9:01.73, saman við Marius Ihlen Gardshodn, Ásbjørg Hjelm, Lív E. Eidesgaard.

Heiður

• Ársins stjørnuskot á FM í svimjing 2014