Ásbjørg Hjelm

Ásbjørg Hjelm (fødd 1999) úr Klaksvík er ein føroyskur svimjari, sum svimur fyri Ægir og Føroyska svimjilandsliðið. Hon er systir Alva Hjelm, ið eisini svimur á føroyska landsliðnum.

Ásbjørg Hjelm

Persónlig kunning
Tjóðskapur	Føroyar
Fødd(ur)	1999
Ítróttur
Ítróttur	Svimjing
Svimjiháttur	Bringu
Felag	Ægir
Heiðursmerkjayvirlit Oyggjaleikir 2015 Jersey 4x50 m blandað 2015 Jersey 4x100 m blandað 2015 Jersey 200 m bringu

Lívsleið innan svimjing

Reykjavik International Games 2016

Ásbjørg luttók á Reykjavik International Games frá 22. til 24. januar 2016. Kappast varð á langgeil.

• Silvur í 50 m bringu við tíðini 34.67
• Silvur í 200 m bringu við tíðini 2:47.05
• Bronsu í 100 m bringu við tíðini 1:16.19

Oyggjaleikir 2015

• Gull í 4x50 m blandað við tíðini 1:57.06, sum var nýtt oyggjaleikamet. Hinar ið svumu vóru Astrið Foldarskarð, Signhild Joensen og Sára Nysted.
• Silvur í 4x100 m blandað við tíðini 4:19.64, ið var nýtt føroyskt landsliðsmet, hinar vóru: Sára Ryggshamar Nysted, Signhild Joensen, Astrið Foldarskarð. Gamla metið á 4:22.92 settu Birita Debes, Malan V. Bærendsen, Bjørg Seloy og Shaila millum Garðarnar á Oyggjaleikum í 2009.
• Bronsu í 200 m bringu við tíðini 2:37.08

European Games 2015

Ásbjørg var ein av fimm føroyskum luttakarum til fyrstu Evropeisku leikirnir, sum verða hildnir í Baku í juni 2015. Bert ungir svimjarar sluppu at luttaka fyri Føroyar og sleppa ikki at svimja undir Merkinum, hetta tí at Olympiska Nevndin í Evropa fyriskipar leikirnir, og har sleppa bara sjálvstøðgar tjóðir at luttaka. Ásbjørg var tann fyrsti føroyingur nakrantíð, ið luttók á Evropeisku leikunum, tá ið hon svam 50 metrar bringusvimjing. Tíðirnar hjá Ásbjørg vóru:

• 50 m bringu við tíðini 35.10 sekund
• 200 m bringu við tíðini 2:50.90

FM og FJM 2015

Ásbjørg setti tvey føroysk met og tvey føroysk juniormet á Føroyameistarastevnuni 2015 (FM/JM 2015), talan er um somu tíðir sett í somu kapping, av tí at hon hevur aldur til at seta juniormet, so var talan bæði um vaksnamannamet og juniormet:

Føroysk met

• 32.70 í 50 bringu
• 1:11.53 í 100 bringu

Føroysk juniormet

• 32.70 í 50 bringu
• 1:11.53 í 100 bringu

Reykjavík International Games 2015

Ásbjørg svam 100 metrar bringu við tíðini 1:17.01 og setti nýtt føroyskt juniormet, hon svam skjótastu tíðina í innleiðandi í bólkinum fyri gentur 15 ár og eldri.

• Gull í 200 m bringu við tíðini 2:44.46, sum var nýtt føroyskt met. Turið S. Christiansen átti gamla metið og juniormetið, sum hon setti á somu stevu í 2010.

NM og NJM 2014 í Upplands Väsby

Ásbjørg luttók á Norðurlandameistarakapping í svimjing fyri ung og vaksin í Svøríki við føroyska svimjilandsliðnum.

• Nr. 8 í 50 metrar bringu við tíðini 33.81, ið var nýtt føroyskt met og juniormet. Hon átti sjálv gamla metið.
• Nr. 8 í 200 metrar bringu við tíðini 2:44.07. Hon svam 2:38.92 í innleiðandi riðlinum.

Harafturat setti hon saman við trimum øðrum nýtt føroyskt juniormet í 4x100 m blandað við tíðini 4:24.68. Hinar vóru: Signhild Joensen úr Ægir, Lív Erlingsdóttir Eidesgaard úr Havnar Svimjifelag og Barbara Debes úr FLOT.

Danish Open 2014

• Setti nýtt føroyskt juniormet í 50 metrar bringu við tíðini 35.44 sekund. Gamla juniormetið átti Tanja Skaalum

BankNordik stevna 22. - 23. mars 2014

Ásbjørg var trið mest vinnandi svimjarin á stevnuni, hon vann 4 gull og eitt silvur heiðursmerki.

HS-stevnan 2. og 3. nov. 2013

Ásbjørg vann 2 gull, eitt silvur og eitt bronsu heiðursmerki.

Svimjing um Vánna á Sjómannadegnum 2013

• Ásbjørg gjørdist nummar tvey av gentum/kvinnum undir 25 ár við tíðini 3:02.14.

NMU 2013

• Nr. 7 í 800 m frí við tíðini 10:03.60
• Nr. 6 í 100 m bringu við tíðini 1:22.01
• Nr. 5 í 4x200 frí fyri mix lið við tíðini 9:01.73, saman við Marius Ihlen Gardshodn, Lív E. Eidesgaard og Róland Toftum