Ægir (svimjifelag)
Ægir er eitt svimjifelag við heimstaði í Klaksvík. Ægir varð stovnað í 1975, eitt ár eftir at Klaksvíkar Svimjihøll læt upp á fyrsta sinni. Felagið hevði nógv góð úrslit tey fyrstu árini. Síðan er kappingin blivin harðari og onnur feløg hava eisini ment seg nógv. Nógv børn og ung svimja við Ægir, á heimasíðuni verður nevnt, at 120 børn svimja við Ægir.[1] Á svimjistevnu í Havn í februar 2010 vann Ægir kappingina við 11 gull, 11 silvur og 10 bronsu heiðursmerkjum.[2]
Venjarar hjá Ægi
rættaHøvuðsvenjari hjá felagnum er Petur Heðin á Fløtti, sum saman við Jón Bjarnason er landsliðsvenjari. Høvuðsvenjari hjá yngru børnunum er Kári J. á Høvdanum. Rúna Joensen er venjari hjá bólki 1, Martin í Heimistovu er venjari hjá bólki 2 og Carsten Wigant Andersen er venjari hjá bólki 3.
Landsliðssvimjarar og aðrir svimjarar hjá Ægi
rættaÍ 2010 vóru hesi úttikin til kappingarstevnu í Íslandi:
Harumframt vóru hesir ungu svimjarir úttiknir til venjingarlegu í Íslandi, sum var í sama tíðarskeiði sum kappingin fór fram:
Aðrir svimjarar hjá Ægi hava eisini klárað seg væl í seinastuni. Nevnast kunnu eitt nú Cecilia Eysturdal og Monika Biskopstø, sum saman við Turið S. Christiansen og Evu Trygvadóttur settu nýtt føroyskt met í 4x200 m frí við tíðini 8:58.93 á Ægirstevnuni 2010. Tað var samstundis eisini nýtt føroyskt juniormet.[3]
Elspa Mørkøre
rættaEin av ægirsvimjarunum, sum eigur fleiri av føroysku metunum er Elspa Mørkøre, sum í løtuni (oktober 2010) eigur metini á langbana í 100 og 200 metrar ryggsvimjing og 200 m og 400 m blandað.[4] Á stuttbana eigur hon metini á 100 m og 200 m frí, á 50 m og 200 m ryggsvimjing og í 100 m, 200 m og 400 metrum blandað. Harumframt eigur hon eisini saman við øðrum metið í 4x100m frí á stuttbana.[5]
Nakrir kendir ægirsvimjarar
rættaNevnast kunnu nakrir ægirsvimjarar, sum hava vunnið fleiri heiðursmerki, og fleiri av teimum hava eisini sett føroysk met, men í flestu førum eru metini nú betrað av øðrum dugnaligum svimjarum.
- Tóra við Keldu (tók lut á Paraolymiaduni fyri Føroyar, vann fleiri heiðursmerki)
- Kristian Olsen
- Søren Olsen
- Petur Heðin á Fløtti
- Petra Gardar
- Jan Gardar
- Símun á Høvdanum
- Oluffa á Høvdanum
- Elmar Ósá
- Martin Venned
- Sita Rajani
- Anja Joensen
Nevndin í Ægi
rætta- Símun á Høvdanum, formaður
- John D. Olsen, peningarøkil
- Dann Hjelm, nevndarlimur
Keldur
rætta- ↑ Heimasíðan hjá Ægir[deyð leinkja]
- ↑ Nordlysid.fo Archived 2016-03-05 at the Wayback Machine, Ægir vann flest heiðursmerki
- ↑ Svimjing.com
- ↑ SSF.fo, Føroysk met (50m)
- ↑ SSF.fo, Føroysk met (25m)