República de Nicaragua
Lýðveldið Nikaragua
Flagg Nikaragua
(Flagg Nikaragua)
Skjaldarmerki Nikaragua
(Skjaldarmerki Nikaragua)
Tjóðarslagorð: Pro Mundi Beneficio
Tjóðsangur: Gloria al bravo pueblo
Alment mál Spanskt
Høvuðsstaður Managua
Forseti Daniel Ortega
Varaforseti Omar Halleslevens
Fullveldi 15. september 1821
(frá Spania)
Vídd
 - tilsamans
 - vøtn (%)
 
129,494 km²
7.17
Íbúgvar
 - tilsamans 2014
 - tættleiki
 
5,848,641[1]
51/km²
Gjaldoyra Córdoba (NIO)
Tíðarøki UTC -6
Økisnavn á alnetinum .ni
Telefonkota +505

Nikaragua er eitt land í Norðuramerika. Á Miðamerikanska tanganum - millum Kosta Rika og Honduras - liggur Nikaragua, sum er størsta landið í Miðamerika. Til støddar er landið sum Ongland, men fólkatættleikin er lítil, bert 50 íbúgvar/km2. Í El Salvador, sum er tað landið í Miðamerika, har fólkatættleikin er størstur, búgva fimm ferðir so nógv fólk á hvørjum ferkilometri sum í Nikaragua.

Bæði hvat landslagi, veðurlagi og samfelagsviðurskiftum viðvíkur, ber til at býta Nikaragua í tveir partar: Vesturnikaragua og Atlantshavsstrondini, sum eystara helvt vanliga verður nevnt. Veður- og landslag broytast frá tí kaldliga fjallaøkinum norður ímóti markinum við Honduras til heita láglendið við Kyrrahavsstrondina. Á Atlantshavsstrondini regnar alt árið. Vestanfyri búgva 90 % av fólkinum.

Søga rætta

Tollaksmessudag í 1972 vóru tríggir jarðskjálvtar í Managua, høvuðstaðnum í landinum. Teir báðir fyrru fingu fólk at flýggja ræðslusligin út úr húsunum. Tann triði oyðilegði ein hóp av bygningum í býnum. Seinni komu eftirskjálvtar. Skjálvtarnir vóru ikki so ógvisligir. Kortini doyðu 5000 fólk, og helvtin av fólkinum í býnum gjørdist heimleys. Fýra sjúkrahús og 956 skúlastovur vórðu løgd í oyði.

Nikaragua-veitin rætta

Nikaragua hevur ætlanir um at grava eina veit ígjøgnum landið. Veitin skal kappast við Panama-veitina [2]. Ætlanin, sum nevnist "Grand Interoceanic Canal of Nicaragua", kann gerast fyrr 2020. Stórur íleggjari úr Kina stuðlar hesi verkætlan. Umboð fyri Nikaragua hava ferðast um og greitt frá um verkætlanina. Mánadagin 7. apríl 2014 var ein sendinevnd í Danmark, har tey millum annað vitjaðu danska reiðarafelagið. Frá danska reiðarafelagnum verður millum annað nevnt, at ein veit í Nikaragua hevur fyrimunir í mun til veitina í Panama [3]. Ein fyrimunur er, at henda 200 kilometra langa veit fer at hava pláss fyri heimsins størstu skipum. Tað hevur Panama-veitin ikki.

Nikaragua-veitin er mett at kosta umleið 40 milliardir dollarar [4]. Dýpið verður 22 metrar, og til dømis Triple-E skipini hjá Mærsk kunnu sleppa ígjøgnum tann vegin, um hon gerst veruleiki.

Keldur rætta

  1. https://www.cia.gov/library/publications/the-world-factbook/geos/nu.html
  2. http://www.telegraph.co.uk/finance/newsbysector/industry/engineering/10567208/24bn-rival-to-Panama-Canal-to-break-ground-this-year.html
  3. http://di.dk/Marked/faaoverblik/Latinamerika/Pages/Uniktinformationsmoedeomdenkommende200kmlangNicaragua-kanal.aspx?isnewslink=true&custguid=3e8e0617-e6db-4af2-a1bd-94e84dc0173e_660&newsguid=377f0c58-ae97-4fd5-94a4-d03e48a8a1bc_398&newscat=International+Business&newsversion=20140327[deyð leinkja]
  4. http://www.u-landsnyt.dk/nyhed/16-06-13/kinesisk-selskab-m-nu-bygge-k-mpe-kanal-gennem-nic
 
Wikimedia Commons logo
Sí miðlasavnið