Bóltfelagið 1936

B36 Tórshavn
Fult navn	Bóltfelagið 1936
Kelinavn	B36; White Tigers; Hvítir
Stovnað	28. mars 1936
Vøllur	Gundadalur Stadium,; Tórshavn, Faroe Islands
Kapasitetur	5.000
Formaður	Marita D. Magnussen
Venjari	Jákup Martin Joensen
Deild	Betrideildin
2024	5.
Heimasíða	Heimasíða
Heima litir	Úti litir

Bóltfelagið 1936 ella B36 er eitt fótbóltsfelag í Havn, sum varð stovnað 28. mars 1936. Síðan 2018 hevur felagið verið tað størsta fótbóltsfelagið í Føroyum, verður roknað eftir limum.

B36 bleiv stovnað leygardagin tann 28. mars 1938 í kjallaranum hjá handlinum hjá Hansinu Johannesen, sum var har Reyði Krossur heldur til í dag. Onkur við tilknýti millum stovnararnar hjá B36 arbeiddi í handlinum hjá Hansinu og hevði fingið hølini til vega til stovnandi fundin. Nógvir av stovnarunum vóru arbeiðarar, sum komu vásaklæddir beint frá arbeiði til tann stovnandi aðalfundin. Tá var leygardagur gerandisdagur og vanligur arbeiðsdagur.^[1]

Stigtakarin til nýggja felagið var Niels Ejdesgaard. Hann var ættaður úr Oyndafirði, útlærdur prentari, men virkaði fyri tað mesta sum handilsmaður og íverkseti. Niels var ein maður við nógvum jørnum í eldinum, og hann skipaði m.a. fyri skjótikappingum. Í tí sambandi hevði hann eisini eina fótbóltsdeild (Skytteforeningens Boldklub). Nøkur ár frammanundan høvdu nakrir unglingar stovnað eitt fótbóltsfelag, sum kallaðist Fram. Fleiri persónar gingu aftur í báðum feløgum, og tí skeyt Niels upp at leggja feløgini saman, og stovna eitt nýtt fótbóltsfelag. Nakrir av stovnarunum høvdu verið aktivir í HB. Teir sluppu at venja við, men dystir sluppu teir ikki at spæla. Tí var tað ein løtt avgerð at taka seg burturúr, og vera við til at stovna eitt nýtt felag. Niels plagdi at taka til, at felagið byrjaði í 1935, tí onkrir dystir vórðu spældir tá. Men formliga stovnsetingin var ikki fyrr enn í 1936, og felagið hevur ongantíð havt nakað annað navn enn B36. Sum vera man vóru øll ikki líka fegin um, at nakrir arbeiðarar vóru so framligir, at teir bjóðaðu HB av. Tí sást av og á okkurt prik í bløðunum til tað nýggja felagið, men B36’arar hildu seg ikki aftur við at svara hesum.^[2]

B36 vann sítt fyrsta meistaraheiti í 1946, tá felagið fylti 10 ár, og endurtók hetta í 1948 og 1950. HB vann ikki teirra fyrsta meistaraheiti fyrr enn í 1955, og hesi árini beint eftir kríggið var B36 greitt tað sterkasta liðið í Havnini. Tað sást m.a. aftur tá B36 í 1945 vann 10-0 í landskappingardysti móti HB.^[3]

Í 1962 vann B36 sítt fimta meistaraheiti, og so kom ein turkur á heili 35 ár. Hetta tíðarskeiðið gjørdist HB tað bæði størsta og sterkasta felagið í Havnini, meðan B36 altsamt viknaði. Í 1986 komu Kjartan Mohr og Kristjan á Neystabø í leiðsluna í felagnum, sum ávíkavist kassameistari og formaður. Teir settu sær fyri at endurbyggja felagið, og í 1997, gjørdist B36 aftur føroyameistarar. Síðan tá hevur felagið verið partur av toppinum í føroyskum fótbólti, og vunnið 5 FM afturat (2001, 2005, 2011, 2014, 2015). Steypakappingin bleiv seinast vunnin í 2021.

Fótbóltshópur

B36 í dysti móti FC Suðuroy, Vodafonedeildin 2010.

Dagført hin 16. mars 2024

Viðmerking: Fløgg vísa til landslið, sambært reglunum hjá FIFA. Leikarar kunnu hava meira enn ein ikki-FIFA tjóðskap.

Nr.	Pláss	Leikari
1	Má	Silas Eydsteinsson
2	Ve	Andrias Eriksen
3	Ve	Símin Sólheim
4	Ve	Thomas Lillo
5	Ve	Vilmer Rönnberg
6	Mi	Eli Nielsen
7	Mi	Bjarki Nielsen
8	Mi	Jelle Van Der Heyden
9	Mi	Hannes Agnarsson
10	Mi	Michal Przybylski
11	Ál	Zean Dalügge
12	Mi	Lukas Giessing
14	Mi	Jógvan Gullfoss
15	Mi	Emil Elmelund Hansen
16	Ve	Magnus Egilsson

Nr.	Pláss	Leikari
17	Ve	Jann Benjaminsen
18	Mi	Benjamin Heinesen
19	Ve	Rani í Soylu
20	Ál	Andrass Johansen
21	Ál	Anton Søjberg
22	Ál	Gutti Dahl-Olsen
23	Mi	Carl A. Mikkelsen
24	Mi	Marius Kryger Lindh
25	Má	Bjarti Vitalis Mørk
26	Mi	Rói Hansen
28	Ve	Mattias Weihe Joensen
29	Mi	Tobias Elmelund Hansen
30	Mi	Mattias Hellisdal
32	Má	Hans Jörgensen

Heiður

Betrideildin: 11
- 1946, 1948, 1950, 1959, 1962, 1997, 2001, 2005, 2011, 2014, 2015,
Løgmanssteypið: 6
- 1965, 1991, 2001, 2003, 2006, 2018, 2021.
Stórsteypadystur: 1
- 2007
1. deild: 1
- 1985

Luttøka í UEFA kappingum

Kapping	Dystir	V	J	T	VM	TM
UEFA Champions League	14	2	3	9	12	30
UEFA Cup / UEFA Europa League	29	3	6	20	23	65
European Cup Winners' Cup	2	0	1	1	1	2
UEFA Intertoto Cup	4	0	0	4	2	15
TOTAL	49	5	10	34	38	112

Dystir

Sesong	Kapping	Umfar	Mótstøðulið	Heima	Úti	Samanlagt
1992–93	European Cup Winners' Cup	QR	Avenir Beggen	1–1	0–1	1–2
1997	UEFA Intertoto Cup	Bólkur 5	Genk	0–5	N/A	5.
			Stabæk	N/A	0–5
			Dynamo Moskva	0–1	N/A
			Panachaiki	N/A	2–4
1998–99	UEFA Champions League	1Q	Beitar Jerusalem	0–1	1–4	1–5
1999–2000	UEFA Cup	QR	Ankaragücü	0–1	0–1	0–2
2000–01	UEFA Cup	QR	AB	0–1	0–8	0–9
2002–03	UEFA Champions League	1Q	Torpedo Kutaisi	0–1	2–5	2–6
2004–05	UEFA Cup	1Q	Liepājas Metalurgs	1–3	1–8	2–11
2005–06	UEFA Cup	1Q	ÍBV	2–1	1–1	3–2
2005–06	UEFA Cup	2Q	Midtjylland	2–2	1–2	3–4
2006–07	UEFA Champions League	1Q	Birkirkara	2–2	3–0	5–2
2006–07	UEFA Champions League	2Q	Fenerbahçe	0–5	0–4	0–9
2007–08	UEFA Cup	1Q	Ekranas	1–3	2–3	3–6
2008–09	UEFA Cup	1Q	Brøndby	0–2	0–1	0–3
2009–10	UEFA Europa League	1Q	Olimpi Rustavi	0–2	0–2	0–4
2012–13	UEFA Champions League	1Q	Linfield	0–0	0–0	0–0 (3–4 str.)
2014–15	UEFA Europa League	1Q	Linfield	1–2	1–1	2–3
2015–16	UEFA Champions League	1Q	The New Saints	1–2	1–4	2–6
2016–17	UEFA Champions League	1Q	Valletta	2–1	0–1	2–2 (a)
2017–18	UEFA Europa League	1Q	Nõmme Kalju	1–2	1–2	2–4
2018–19	UEFA Europa League	PR	St Joseph's	1−1	1−1	2–2, 4–2 (br.kap.)
		1Q	OFK Titograd	0−0	2–1	2–1
		2Q	Beşiktaş	0−2	0−6	0−8
2019–20	UEFA Europa League	1Q	Crusaders	2−3	0−2	2–5
2020–21	UEFA Europa League	PR	St Joseph's	N/A	2–1	N/A
		1K	FCI Levadia	4–3 (E.l.l.)	N/A	N/A
		2K	The New Saints	2–2 (5–4 br.)	N/A	N/A
		3K	CSKA Sofia	N/A	1–3	N/A
2022-23	UEFA Conference League	1K	Borac Banja Luka	3–1 (E.l.l.)	0–2	3–3 (E.l.l.) (4–3 str.)
		2K	SP Tre Fiori	1–0	0–0	1–0
		3K	Viborg	1–2	0–3	1–5
2023–24	UEFA Europa Conference League	1K	Paide Linnameeskond	0–0	2–0 (E.l.l.)	2–0
		2K	Haverfordwest County	2–1	1–1 (E.l.l.)	3–2
		3K	Rijeka