Jens Martin Knudsen

Jens Martin Knudsen (11. juni 1967) var føroyskur fótbóltsspælari til 2007 og er nú venjari. Jens Martin hevur A-venjaraútbúgving.

Jens Martin Knudsen

Persónlig kunning
Føðingardagur	(1967-06-11) 11. juni 1967
Føðistaður	Saltangará
Hædd	1,81 m (5 ft 11 1⁄2 in)
Pláss	Málmaður
Kunning um feløg
Núverandi felag	NSÍ
Nummar	1
Yrkisleið, vaksnamannafótbóltur*
Ár	Felag	Dystir†	(Mál)†
1985-1986	NSÍ	?	(?)
1986-1987	Frederikshavn fI	?	(?)
1988-1990	NSÍ	?	(?)
1991	NSÍ	15	(0)
1992-1997	GÍ	105	(0)
1998-1999	Leiftur	36	(0)
1999	GÍ	1	(0)
1999-2000	→ Ayr United (lán)	4	(0)
2000	B36	1	(0)
2000	Leiftur	16	(0)
2001-2007	NSÍ	150	(0)
Landslið‡
1988-2006	Føroyar	65	(0)
* Senior club appearances and goals counted for the domestic league only and correct as of 4. november 2007. † Dystir (Mál). ‡ Landsliðsdystir- og mál eru røtt og dagførd pr. 11. oktober 2007

Í 2012 var útgivin bók við ævisøguni hjá Jens Martini Knudsen við heitinum Maðurin við topphúgvuni, Sprotin gav bókina út, Uni Holm Johannesen skrivaði bókina..

Altjóða fótbólts lívsleiðin

Jens Martin Knudsen man vera heimsins kendasti málmaður í topphúgvu. Hann hevur verið landsliðsmálmaður mong ár og hevur eisini verið málmansvenjari og hjálparvenjari hjá føroyska A-landsliðnum fyri menn.

Sum landsliðsmálmaður hevur Jens Martin Knudsen spælt 65 dystir fyri Føroyar, bara Fróði Benjaminsen, Óli Johannesen og Jákup Mikkelsen hava spælt fleiri A-landsdystir fyri Føroyar enn Jens Martin.

Fótbólts lívsleiðin (feløg)

Jens Martin Knudsen hevur spælt við føroyskum og útlendskum fótbóltsfeløgum.

• 1985-86 NSÍ
• 1986-87 Frederikshavn
• 1988-91 NSÍ
• 1992-97 GÍ
• 1998-99 Leiftur úr Íslandi
• 1999 GÍ
• 1999 Ayr United F.C. úr Skotlandi (lán)
• 2000 B36
• 2000 Leiftur úr Íslandi
• 2001-2007 NSÍ

Málmansvenjari og hjálparvenjari hjá A-landsliðnum

Jens Martin Knudsen hevur verið málmansvenjari hjá føroyska A-landsliðnum hjá monnum í fleiri ár. 25. januar 2008 varð hann eisini settur sum hjálparvenjari hjá A-landsliðnum, hann avloysti tá John Petersen (fótbóltsleikari).

Ársins málverji

Jens Martin hevur fleiri ferðir verið kosin Ársins málverji í føroyskum fótbólti. T.d. í 2001 og 2002.

Keldur

• Football.fo, Jens Martin Knudsen settur hjálparvenjari.
• Football.fo, Leikarar 1988-2005.

Útvortis ávísingar

• FaroeSoccer.com, Jens Martin Knudsen