Vár Erlingsdóttir Eidesgaard

Vár Erlingsdóttir Eidesgaard (fødd 2001) er ein føroyskur svimjari, sum svimur fyri Havnar Svimjifelag og Føroyska svimjilandsliðið. Hon hevur vunnið gull, silvur og bronsu á Oyggjaleikum.

Vár Erlingsdóttir Eidesgaard

Persónlig kunning
Tjóðskapur	Føroyar
Fødd(ur)	2001
Ítróttur
Ítróttur	Svimjing
Svimjiháttur	Frí
Felag	Havnar Svimjifelag
Heiðursmerkjayvirlit Oyggjaleikir 2017 Gotland 800 m frí 2017 Gotland 400 m frí 2017 Gotland 4x100 m frí 2015 Jersey 4x50 m frí 2015 Jersey 400 m blandað 2015 Jersey 400 m frí 2017 Gotland 4x50 m frí

Lívsleið innan svimjing

Oyggjaleikir 2017

• Gull í 800 m frí við tíðini 8:53:57
• Gull í 400 m frí við tíðini 4:28.08
• Gull í 4 x 100 metrar frí við tíðini 3.51.66.
• Bronsa í 4x50 metrar frí við tíðini 1:47,60. Hinar vóru: Beinta Debes, Sára Ryggshamar Nysted, Signhild Joensen.

Danish Open 2016

• Bronsu í 1500 m frí við tíðini 17:25.28, ið var nýtt føroyskt met.
• Nr. 5 í 800 m frí við tíðini 9:09.34, ið var nýtt føroyskt met. Gamla metið á 9:12.01 setti Sára Nysted í Páls Høll í januar 2016.

Oyggjaleikir 2015

• Silvur í 4x50 m frí við tíðini 1:47.40, saman við Astrið Foldarskarð, Sáru R. Nysted og Lív Eidesgaard
• Bronsu í 400 m blandað við tíðini 5:04.46
• Bronsu í 400 m frí við tíðini 4:24.72

Danish Open 2015

Vár setti nýggj føroysk juniormet á Danish Open í Keypmannahavn um mánaðarskiftið mars/apríl 2015.

• Nr. 10. Føroyskt juniormet í 1500 metra frísvimjing á langgeil við tíðini 17:58.03, juniormetið var sett í innleiðandi, hon hevði triðbestu tíðina í riðlinum. Ongin átti juniormetið áðrenn. Hon var líka við at seta seniormet eisini, enn hon var við kravtíðina til at seta føroyskt juniormet, ið er 19:09.26. Føroyska metið tá átti Cecilia Wigant Eysturdal, tað var á 17:51.83,
• Nr. 17. Føroyskt juniormet í 800 frí við tíðini 9:24.35. Victoria Wigant Eysturdal átti føroyska juniormetið á 9:28.80.

SMS stevnan 1. og 2. november 2014

Vár vann 1 gull, 2 silvur og 1 bronsuheiðursmerki á SMS-stevnuni í Havn 1. og 2. november 2014.

Topp 10 avrik, út í frá FINA stigum, kvinnur

• 649 FINA-stig - 4:30.77 í 400 frí
• 643 FINA-stig - 9:15.16 í 800 frí

Ægir-stevna 2014

Vár vann 1 gull og 4 bronsuheiðursmerki á Ægirstevnuni, ið varð hildin í Klaksvík 4. og 5. oktober 2014.

Meistarastevnan fyri Ung 2014

SSF skipaði fyri Meistarastevnu fyri Ung í Svimjihøllini í Gundadali, Flaggdagin 25. og 26. apríl 2014. Vár vann fýra heiðursmerki og var fimtbest í FINA-stigum.

• 5. besta avrik í FINA stigum: 9:26.63 í 800 frí (611 FINA stig)
• 2 silvur og 2 bronsu heiðursmerki

Heiður

• Varð kosin Ársins stjørnuskot 2015 á FM í svimjing 2015 í Havn

Familja

Vár er dóttir Annu og Erling Eidesgaard og abbadóttir Jóannes Eidesgaard, fyrrverandi løgmann. Systir hennara Lív (fødd 1999) og bróðirin Bartal (føddur 2003) eru eisini svimjarar.