1448 (sjónvarpsrøð)

1448 er ein føroysk sjónvarpsrøð í 9 pørtum, framleidd av Bjarni Árting Rubeksen. Røðin er ein "realityrøð", ið fylgir gerandisdegnum hjá løgregluni í Tórshavn. Fylgt verður við tá brotsgerðir verða uppkláraðar, og hyggjarin kemur tætt at teimum, ið liva á lívsins skuggasíðu. Røðin lýsist sum 9 dokumentarfilmar, sum Bjarni hevur gjørt eftir leistanum "one man, one camera"; tað vil siga, at hann sjálvur hevur filmað, klipt og lagt til rættis.

1448
Slag	"Reality"
Skapað av	Bjarni Árting Rubeksen
Røddir	Fróði Løkságarð (Frásøgufólk)
Upprunaland	Føroyar
Upprunamál	Føroyskt
Tal av sesongum	2
Tal av pørtum	9
Framleiðsla
Tíðarskeið	uml. 30 minuttir
Útgáva
Upprunarásrás	Kringvarp Føroya
Upprunaliga útgivið	2009

Undirtøka

Røðin var sera væl umtikin í Føroyum. Somikið væl, at ein Facebook bólkur varð stovnaður í 2010, aftaná at fyrsta røð var víst í Kringvarpi Føroya. Bólkurin nevndist "Vit øll ið ynskja meiri 1448 sendingar" og hevði til endamál at heita á Kringvarpið um at framleiða fleiri sendingar.

Listi yvir 1448 sendingar

Sendingar, ið hava verið sendar og endursendar í Kringvarpi Føroya.

Sending nr.	Frágreiðing
1:9	Ein spreinging er hend á Eiði, og løgreglumennirnir Jan og Jóannes verða sendir á staðið. Brotist hevur verið inn í Gamla Bókhandil, har Jan og Per frá kanningarnevndini hava verið boðsendir.
2:9	Eldur eru í einum húsum á Stykkinum, og Jan hjá ferðslupolitinum fer á staðið. Fylgt verður við á náttarvakt, har nógv er at gera.
3:9	Ein útlendingur verður tikin á flogvøllinum við rúsandi evnum. Fylgt verður við tá ein sjúkrabilur skal hava løgreglufylgd frá Klaksvík til Landssjúkrahúsið í Tórshavn.
4:9	Ein bilur er farin útav vegnum, eitt harðskapsmál verður kannað, og fylgt verður við hundavenjing.
5:9	Ferðsluvanlukka ímillum ein bil og býarbuss, har fólk noyðast at verða flutt á Landssjúkrahúsið. Løgreglan hevur úr at gera á eini náttarvakt.
6:9	Løgreglumennirnir Karl og Jóannes taka sær av einum óbodnum húsgesti. Ein bilur er farin útav vegnum Við Áir, og eitt mál um barnaporno verður kannað.
7:9	Løgreglan fær boð um eina kvinnu, ið er vorðin frá sær sjálvari. Nógv er at gera á náttarvakt, og alarmsentralurin fær boð um at eldur er í skipinum Athenu, ið liggur á Skálafjørðinum.
8:9	Løgreglan verður kallað út til húsófrið. Tveir útlendingar verða tiknir fyri stuldur. Studentarnir í Hoydølum hátíðarhalda síðsta skúladag, og hava blokerað vegin uppiyvir skúlanum.
9:9	Ein gamal kenningur hevur gjørt um seg, og verður tikin oman á løgreglustøðina. Eitt pengaskáp verður funnið á Oyggjarvegnum, har kanningardeildin verður boðsend. Grind er í Vestmanna.