X Factor (Danmark)

X Factor er ein sjónvarpssending, har fólk sleppa at vísa, hvussu væl tey duga at syngja. X Factor verður framleitt í fleiri ymiskum londum, og varð upprunaliga framleidd í Stóra Bretlandi. Tað var sjónvarps og tónleika framleiðarin og tónleika dómarin Simon Cowell, ið fann uppá X Factor sendingina. Í Danmark hevur sendingin verði framleidd síðan 2008. Fyrsta sendingin varð víst í DR1 í januar, februar og mars 2008. Fyrst koma ein rúgva av fólki til tær sonevndu auditions, har tey syngja fyri trimum dómarum. Her hendur so ein grov sortering, har tey allar flestu verða send heim. Men rættiliga nógv verða tó vald út til at koma til tað tey nevna boothcamp, og har framføra tey fleiri ferðir og at enda velja dómarnir, sum hava fingið onkran at hjálpa sær, tey nýggju út, sum sleppa við til live framførslurnar. Hvør dómari sleppur at velja tríggjar luttakarar. Tá bootcamp byrjar verða teir tríggir bólkarnir tilvildarliga býttir út til dómararnar. Ein av teimum fær so tey ungu millum 15 og 24, ein fær tey meira tilkomnu, sum eru yvir 25 og ein dómari fær so bólkarnar. Fleiri ferðir hevur tað víst seg, at bólkarnir ikki hava nóg høga góðsku, og tí eru dómararnir farnir at gera sín egna bólk ella kanska fleiri við at seta einkultir sangarar, sum annar vóru blivin send heim, saman til ein sangbólk. Í 2009 hepnaðist henda mannagongd so mikið væl, at bólkurin Alien Beat Club gjørdist nummar tvey, sjálvt um tey øll fýra stillaðu upp sum solistar at byrja við. Tað var dómarin Remee, sum setti tey saman.

Føroyska Linda Andrews vann donsku X Factor kappingina í 2009.

Føroyski Sveinur Gaard Olsen gjørdist nummar trý í X Factor 2012 í Danmark.

Eftir X Factor sendingarnar og kappingin er liðug, ferðast finalistarnir ofta runt um í Danmark, har teir framføra og skriva autografar. Henda myndin er úr Legolandi í Billund í mai 2012. Á myndini síggjast: Sveinur, Line, Basim (frá 2008), Ida og Morten Benjamin.

Føroyingar í X Factor (Danmark)

Anna Faroe f. (Nygaard) gjørdist nummar fimm í 2010.

Fleiri føroyingar hava luttikið í og klára seg væl í X Factor sang kappingini í Danmark. Í 2009 luttók føroyska Linda Andrews í kappingini, og hon kláraði seg so mikið væl, at hon vann kappingina. Í 2010 luttók Anna Nygaard, sum eftir at sendingin varð liðug fekk sær kunstnaranavnið Anna Faroe. Anna var millum tey 9 sum komu til live framførslurnar, men kom tó ikki í finaluna. Anna gjørdist nummar 5.

Í 2011 gjørdist vinnarin Sarah Skaalum Jørgensen, í X Factor kend sum Sarah. Sarah er ikki heilur føroyingur, og heldur ikki hálvur, men hon er kvartur føroyingur, ættað úr Hvalba, hagani millumnavnið Skaalum kemur.

Í 2012 luttók Sveinur Gaard Olsen úr Havn og Kristel Lisberg av Tvøroyri. Kristel kom víðari fleiri ferðir, men beint áðrenn tey allar seinastu skuldu veljast út til live framførslurnar, so bleiv hon vald frá og slapp ikki við. Sveinur Gaard Olsen kom allan vegin til finaluna. Hann gjørdist nummar trý. Beint áðrenn finaluna varð skipað fyri einum túri til Føroya, har DR1 fólkini fylgdu við honum. DR1, Norðurlandahúsið og Tórshavnar Kommuna skipaðu fyri móttøku av Sveini, og uttan at hann visti av tí, høvdu tey saman við familju hansara skipa fyri einari konsert í Norðurlandahúsinum. Brot frá móttøkuni og konsertini vóru síðan víst í næstu X Factor sendingini, har dómarin Thomas Blachman tosaði rættiliga ironiskt um tað at borgarstjórin í Havn (Heðin Mortensen) helt røðu fyri Sveini. Ein annar luttakari sum varð millum tey 9 sum komu við til live framførslurnar, var hálvur føroyingur og hálvur íslendari. Tað var Jean Michel, sum var helmingurin av einum bólki saman við Nicoline Simone. Tað bleiv rættiliga rokaligt, tá Jean Michel stutt árðenn finaluna, tá bara ein live framførsla var eftir, tók seg úr kappingini. Av tí at tey bæði vóru ein bólkur, so kundi Nicoline Simone ikki halda fram uttan Jean Michel. Í seinastu framførsluni áðrenn finaluna bleiv tí ongin sendur heim. Sendingin helt tó á sum vanligt, og fólk sluppu at atkvøða álíkavæl, og tær atkvøðurnar komu so at telja við til sjálva finaluna.

Í 2014 varð ein bólkur samansettur av Anthony og Jasmin, bólkurin fekk navnið Anthony Jasmin og endaði við at vinna X Factor Danmark 2014. Jasmin er hálvur føroyingur, mamma hennara, Hannah Dahl, er ættað úr Vági. Mamman er dóttir Magnus Dahl úr Vági.

Í 2015 luttók føroyski sangarin og tónleikarin Jógvan Joensen úr Fuglafirði. Hann fekk Lina Rafn til mentor. Hann kom til liveshow har bert 9 einstaklingar og bólkar sleppa at luttaka, Jógvan luttók í bólkinum 23 ár og eldri. Hann kom í vandabólkin til fyrsta liveshow saman við einum øðrum luttakara hjá Line, og tí slapp Line Rafn sjálv at velja, hvør skuldi sendast heim, hon valdi at senda Nanni heim. Í næsta liveshow slapp Jógvan víðari uttan at koma í vandabólkin. Jógvan kom allan vegin til seinastu finaluna, har bert trýggir luttakarar eru eftir. Hann gjørdist nummar tvey av øllum, meðan tann tá bert 15-ára gamla Emilie Esther vann kappingina.

Sesongyvirlit

     Luttekur í (ella er mentor fyri) "Undir 25"-bólkinum ("Undir 24" í sesong 6, "Undir 23" í sesong 7)
     Luttekur í (ella er mentor fyri) "Yvir 25"-bólkurin ("Yvir 24" í sesong 6, "Yvir 23" í sesong 7)
     Luttekur í (ella er mentor fyri) "Bólkar"-bólkin

Sesong	Premierudagur	Finaludagur	Vinnari	Annaðpláss	Triðjapláss	Fjórðapláss	Vinnnandi dómari	Vertur	Dómarar	Hjálpardómarar
2008	4. januar 2008	28. marts 2008	Martin	Laura	Heidi	Basim	Remee	Lise Rønne	Thomas Blachman Lina Rafn Remee	Ongir hjálpardómarar í hesi sesong
2009	2. januar 2009	27. marts 2009	Linda Andrews	Alien Beat Club	Mohamed Ali	Sidsel	Lina Rafn	Lise Rønne	Thomas Blachman Lina Rafn Remee	Martin Dodd
2010	1. januar 2010	27. marts 2010	Thomas Ring	Tine Midtgaard	Jesper Nohrstedt	The Fireflies	Pernille Rosendahl	Signe Muusmann	Remee Soulshock Pernille Rosendahl	Thomas Troelsen Toniah Pedersen og Peter Biker Nikolaj Steen
2011	1. januar 2011	25. marts 2011	Sarah	Annelouise	Babou	Patricia	Cutfather	Lise Rønne	Thomas Blachman Pernille Rosendahl Cutfather	Djuna Barnes Le Gammeltoft Kenneth Bager
2012	1. januar 2012	23. marts 2012	Ida	Line	Sveinur	Morten Benjamin	Pernille Rosendahl	Lise Rønne	Thomas Blachman Pernille Rosendahl Cutfather	Dicte Mattias Kolstrup Kato
2013	28. december 2012	22. marts 2013	Chresten	Karoline	Wasteland	Amanda	Ida Corr	Signe Molde	Thomas Blachman Ida Corr Anne Linnet	Vinnie Who Carla Camilla Hjort Marcus Linnet
2014	3. januar 2014	28. marts 2014	Anthony Jasmin	Lucy Mardou	Henriette Haubjerg	Pernille Nordtorp	Thomas Blachman	Eva Harlou	Thomas Blachman Lina Rafn Remee	Lennart Ginman og Carsten Dahl Patrick Spiegelberg og Jonas Worup Chief 1
2015	2. januar 2015	27. marts 2015	Emilie Esther	Jógvan	Ivarsson, Bang & Neumann	Citybois	Remee	Eva Harlou	Thomas Blachman Lina Rafn Remee	Ongir hjálpardómarar í hesi sesong
2016	8. januar 2016	1. apríl 2016	Embrace	Reem Hamze	Alex Benson	Andrew Murray	Remee	Sofie Linde Lauridsen	Thomas Blachman Mette Lindberg Remee
2017	31. december 2016	31. marts 2017	Morten Nørgaard	Chili Pedersen	Mia Kjær Sørensen	VKation	Remee	Sofie Linde Lauridsen	Thomas Blachman Mette Lindberg Remee

Viðmerkingar

1. ^ Martin Dodd var hjálpardómari fyri Remee á bootcamp.
2. ^ Thomas Troelsen var hjálpardómari fyri Remee undir bootcamp.
3. ^ Toniah Pedersen og Peter Biker vóru hjálpardómarar fyri Soulshock á bootcamp.
4. ^ Nikolaj Steen var hjálpardómari fyri Pernille Rosendahl á bootcamp.
5. ^ Djuna Barnes var hjálpardómari fyri Thomas Blachman á bootcamp.
6. ^ Le Gammeltoft var hjálpardómari fyri Pernille Rosendahl á bootcamp.

1. ^ Kenneth Bager var hjálpardómari fyri Cutfather á bootcamp.
2. ^ Dicte var hjálpardómari fyri Thomas Blachman á bootcamp.
3. ^ Mattias Kolstrup var hjælpedommer for Pernille Rosendahl á bootcamp.
4. ^ Kato var hjálpardómari fyri Cutfather á bootcamp.
5. ^ Vinnie Who var hjálpardómari fyri Thomas Blachman á bootcamp.

1. ^ Carla Camilla Hjort var hjálpardómari fyri Ida Corr á bootcamp.
2. ^ Marcus Linnet var hjælpedommer for Anne Linnet á bootcamp.
3. ^ Lennart Ginman og Carsten Dahl vóru hjálpardómarar fyri Thomas Blachman á bootcamp.
4. ^ Patrick Spiegelberg og Jonas Worup vóru hjálpardómari fyri Lina Rafn á bootcamp.
5. ^ Chief 1 var hjálpardómari fyri Remee á bootcamp.

Bólkarnir og finalistarnir hjá dómarunum

Lykil:

     – Vinnandi dómari/bólkur. Vinnarar eru við feitari skrift, tey ið blivu stemmaði út eru við lítlari skrift.

Sesong	Thomas Blachman	Lina Rafn	Remee
Eitt	Yvir 25 Heidi Svelmøe Herløw Lisa Maria Birkekvist Frederik Konradsen	Bólkar Vocaloca RaiDen Søren & Anne	15-24 Martin Hoberg Hedegaard Laura Arensbak Kjaergaard Basim Moujahid
Tvey	15-24 Mohamed Ali Sidsel Lieknins Vestertjele Lucas Francis Claver	Yvir 25 Linda Andrews Claus Seest Claus Lillelund	Bólkar Alien Beat Club Asian Sensation Tårnhøj
Sesong	Soulshock	Pernille Rosendahl	Remee
Trý	Bólkar The Fireflies 8210 In-Joy	Yvir 25 Thomas Ring Petersen Daniel Vengsgaard Peter Søborg	15-24 Tine Midtgaard Madsen Jesper Boesgaard Anna Nygaard
Sesong	Thomas Blachman	Pernille Rosendahl	Cutfather
Fýra	Yvir 25 Annelouise Patricia Ercan	Bólkar Rikke & Trine JR Deevibez	15-24 Sarah Skaalum Jørgensen Babou Rasmus
Fimm	Bólkur Nicoline Simone & Jean Michel Tandberg & Østenby Phuong & Rasmus	15-24s Ida Østergaard Madsen Line Morten Benjamin	Yvir 25 Sveinur Gaard Olsen Mulila Katrine
Sesong	Thomas Blachman	Ida Corr	Anne Linnet
Seks	15-23 Karoline Amanda Zaina	Yvir 24 Chresten Falck Damborg Stephanie Jonas	Bólkar Wasteland Anna & Lusanda Lotus
Sesong	Thomas Blachman	Lina Rafn	Remee
Sjey	Bólkar Anthony Jasmin ManBand lickety-split	14-22 Henriette Haubjerg Fie Winther Mathias Chrøis	Yvir 23 Lucy Mardou Pernille Nordtorp Steffen Gilmartin
Átta	Bólkar Ivarsson, Bang & Neumann Citybois Finn & Rie	Yvir 23 Jógvan Joensen Sophia Nanni	15-22s Emelie Esther Baraa Qadoura Tannaz Hakami

Slóðir úteftir

• X Factor heimasíðan