Rigmor Dam
Rigmor Dam (fødd 18. desember 1971 í Havn)[1] er føroyskur politikari, lærari, blaðkvinna og kunningarráðgevi.
| Rigmor Dam | |
|---|---|
| |
| Rigmor Dam, 2015 | |
| Mentamálaráðharri | |
| Núverandi | |
| Tók við starvinum 15. september 2015 | |
| Undanmaður | Bjørn Kalsø |
| Løgtingslimur | |
| Núverandi | |
| Tók við starvinum 29. oktober 2011 | |
| Persónlig kunning | |
| Fødd(ur) | 18. desember 1971 Tórshavn |
| Politiskur flokkur | Javnaðarflokkurin |
Lívsleið rætta
Útbúgving og arbeiði rætta
Rigmor er fødd í Tórshavn, vaks upp í Keypmannahavn tey fyrstu árini til familjan í 1981 flutti heimaftur til Føroya. Tey búsettust í Havn, har Rigmor fyrst gekk í Venjingarskúlanum og síðan í Kommunuskúlanum, í 1991 tók hon HF-prógv úr Hoydølum.
Eftir at hava lokið læraraútbúgving frá Blaagaard Statsseminarium í Keypmannahavn í 1998, fór Rigmor í starv í Eysturskúlanum í Havn, har hon var í starvi til 2005. Síðan gjørdist hon tíðindakvinna í Miðlahúsinum, har hon einamest skrivaði fyri tíðindablaðið Sosialin. Umframt læraraútbúgvingina hevur hon lisið eitt ár á Journalistháskúlanum í Århus og eitt ár Sam.bas á Roskilde Universitetscenter.[2] Í løtuni er hon í farloyvi úr starvinum sum kunningarfólk hjá Starvsmannafelagnum. Øll árini hevur hon harumframt verið fríyrkisfólk og eitt nú virkað sum samskipari og fundarstjóri, og skrivari fyri bløð og tíðarrit.
Annað virksemi rætta
Rigmor var virkin í Sosialistiskum Ungmannafelag á ungum árum. Hon var redaktørur á útisetablaðnum Oyggjaskeggja lestrarárini í Keypmannahavn.[2] Hon var nevndarlimur í Kvinnufelagnum í Havn 2008-2010 og aftur 2014-2015, og limur í mentanarnevnd M.A. Jacobsens árini 2004-2012.
Politikkur rætta
Rigmor var fyrstu ferð vald á Ting á løgtingsvalinum 29. oktober 2011 fyri Javnaðarflokkin sum nummar fýra á listanum við 271 atkvøðum. Hon gjørdist næstforkvinna í Løgtingsins trivnaðarnevnd, limur í Mentanarnevndini og varalimur í Rættarnevndini. Rigmor varð afturvald á løgtingsvalinum 1. september 2015, hesaferð við 396 persónligum atkvøðum, ið var fjórðflest á javnaðarlistanum,[3] og 15. september gjørdist hon landsstýriskvinna í Mentamálum í stjórnini hjá Aksel V. Johannesen.
Løgtingsnevndir rætta
- 2011-2015 - Næstforkvinna í Trivnaðarnevndini
- 2011-2015 - Limur í Mentanarnevndini
- 2011-2015 - Varalimur í Rættarnevndini
Føroya Landsstýri rætta
- 2015-2019 Landsstýriskvinna í Mentamálum
Privat rætta
Rigmor Dam er dóttir Duritu og Bergur P. Dam,[1] abbadóttir Petur Mohr Dam, fyrrverandi løgmann, og bróðirdóttir Atla P. Dam, fyrrverandi løgmann. Hon er gift við Arnbirni Ólavssyni Dalsgarð, sum er útbúgving heimspekingur og bókavørður, hann er eisini rithøvundur og ritstjóri. Saman eiga tey trý børn: Bergur (føddur 1990), Rói (føddur 1998) og Sára Maria (fødd 2000).
Keldur rætta
- ↑ 1.0 1.1 "Rigmor Dam" (in Faroese). Javnaðarflokkurin. http://www.j.fo/Rigmor-Dam.aspx?ID=354. Heintað 1 May 2016.
- ↑ 2.0 2.1 "Rigmor Dam". Kveik.fo. http://www.kveik.fo/DesktopModules/HRDB/HRDBPre.aspx?PersonID=391&mid=664. Heintað 2016-05-01.
- ↑ "kvf.fo - Løgtingsval 1. september 2015". http://kvf.fo/val/l2015. Heintað 2016-05-01.