Arnbjørn Ó. Dalsgarð
Arnbjørn Ólavsson Dalsgarð (f. 28. august 1971, ættaður av Velbastað) er rithøvundur, bókavørður og tónleikari, guitarleikari. Í 2012 varð hann settur í starv sum leiðari á Býarbókasavninum.[1] Áðrenn tað starvaðist hann á Føroya Landsbókasavni. Hann gjørdist liðugur við útbúgving sum bókavørður í 1999. Hann er føddur í 1971, er uppvaksin á Velbastað og býr í Havn. Er ritstjóri á bókmentatíðarritinum Vencili saman við Oddfríða M. Rasmussen. Árini 2003-2007 hevur hann verið formaður í Bókavarðafelagnum, og í mars 2007 bleiv hann valdur til formann í Rithøvundafelagnum og legði frá sær í Bókavarðafelagnum, hann varð formaður í Rithøvundafelagnum til 2009. Meðan hann búði í Keypmannahavn í 1990-árunum var hann onkuntíð blaðstjóri á blaðnum Oyggjaskeggi, sum er blaðið hjá føroyskum lesandi uttanlands, serliga í Danmark. Hann hevur fyrr spælt sum guitarleikari í fleiri føroyskum orkestrum, tað var í 1980-árunum. Hann spældi eitt nú saman við James Olsen og Óla Hans Andreasen.[2] Arnbjørn er giftur við Rigmor Dam, sum er løgtingskvinna (2011-), lærari og blaðkvinna. Tey eiga trý børn saman.
Útgávur Edit
Stuttsøgusøvn Edit
- 2015 So hon starir inn í veggin
- 2016 Albert
Stuttsøgur í tíðarritum vm. Edit
- 2005 Hygg hasin jólamaðurin, í Míni jólabók
- 2005 Mausan er horvin, í Míni jólabók
- 2006 Toftin hinumegin, útgivin í savninum "Svartideyði og aðrar spøkilsissøgur"
- 2006 Skuggarnir á Skarvatanga, í Míni jólabók
- 2006 So hon starir inn í veggin, í Vencili 1
- 2007 Ivin, í Vencili 2
- 2007 Eisini slíkt, sum nívir í Vencili 2
- 2008 Ljósið í Vencili 5
- 2008 Ein misskiljing í Míni jólabók
- 2010 Triglav í Vencil 8
- 2010 Brøður í Vencil 9
- 2010 Hann sjálvur í Horni í Míni jólabók
- 2011 Eitt satt undur í Míni jólabók
- 2012 Albert og uttanroyndarvísindini, Albert og skaparin, Albert og almennið í Vencili 11
- 2012 Hási Andersen í Míni jólabók
- 2013 Tríggjar søgur í Vencili nr. 13
- 2015 Søga søkir maka í Vencili nr. 15
- 2015 Pápi tekir, í Míni jólabók[3]
Yrkingar Edit
Ævintýr Edit
- 2014 Einaferð var tað ..., Savn við 15 føroyskum ævintýrum, sum Jakob Jakobsen savnaði á ferðum sínum í Føroyum seinast í 19. øld. Rithøvundar: Arnbjørn Ó. Dalsgarð, Lydia Didriksen, Oddfríður Marni Rasmussen, Oddvør Johansen. Tekningar: Ann-Mari Egholm, Edward Fuglø, Herdis Jakobsen, Jón Sonni Jensen, ISBN 978-99972-0-112-6
Keldur Edit
- ↑ Aktuelt.fo, Arnbjørn leiðari á Býarbókasavninum
- ↑ Kringvarpið hevði samrøðu við Arnbjørn 6. februar 2013.
- ↑ BFL.fo