Herdis S. Tyrer

Herdis Solveig Tyrer (fyrr Jakobsen) er føroyskur myndprýðari búsitandi í Southport í Onglandi. Hon hevur myndprýtt fleiri føroyskar bøkur. Hon starvast sum tatovørur.

Útbúgvingar og skeið

Herdis tók eitt skeið í list á Holbæk Kunsthøjskole í Danmark og var eisini í starvslæru á grafiska verkstaðnum Steinprenti í Tórshavn. Hon hevur tikið BA í myndprýðing og animatión á Coventry University.

Bókmentalisti sum myndprýðari

• Ingun Christensen: Eiturkoppaprinsessan (Bókadeild Føroya lærarafelags 2013)
• Birita Michelsen: So normal og tó ikki (Bókadeild Føroya lærarafelags 2016)
• Sólrún Michelsen: Torkils døtur (Bókadeild Føroya lærarafelags 2013)

Familja

Herdis er fødd og uppvaksion í Havn, hon er dóttir Sigrun Joensen úr Havn og Erhard Jacobsen úr Sørvági. Í 2016 giftist hon Alex Tyrer, ið er úr Onglandi.