Rick Moranis

Frederick Allan "Rick" Moranis, føddur 18. apríl 1953, er ein kanadiskur skemtari, sjónleikari og tvær ferðir tilnevndur Grammy tónleikari. Rick bleiv kendur umleið 1980 í skemtirøðini Second City Television og leikti seinni í fleiri Hollywood filmum sum Strange Brew, Ghostbusters, Spaceballs, Little Shop of Horrors, Honey, I Shrunk the Kids (og eftirfylgjaranar), Little Giants, Parenthood, The Flintstones og My Blue Heaven. Rick Moranis gavst at innspæla filmar í 1997, men hevur sett rødd til nakrar teknifilmar síðani.

Lívsleið

Rick Moranis var føddur í Toronto, Ontario í Kanada, inn í eina jødiska familju.^[1] Hann gekk í Sir Sanford Fleming Secondary School í Toronto. Hann gekk í fólkaskúla saman við Geddy Lee, forsangaranum í rokkbólkinum Rush.

Starvsleið

Starvsleið Ricks sum undirhaldari byrjaði sum útvarps DJ mitt í 1970-árunum, har hann nýtti navnið "Rick Allan", á trimum útvarpstøðum í Toronto.

Hondavtrykk Rick Moranis uttanfyri The Great Movie Ride í Walt Disney World.

Í 1980 varð hann yvirtalaður at leika í triðju røð av skemtirøðini Second City Television (SCTV) av vini sínum og rithøvundi av røðini, Dave Thomas.^[2] Tá var Rick tann einasti av leikarunum, sum ikki hevði staðið á einum palli fyrr. Rick kom at vera kendur fyrir hermingar sínar av millum øðrum Woody Allen, George Carlin og David Brinkley.

Rick Moranis fekk sín fyrsta stóra leiklut í filminum Strange Brew frá 1983.

Í 1989 fekk Rick hondavtrykkini hjá sær á gongugøtuna uttanfyri The Great Movie Ride í Walt Disney World í Florida, USA.

Spælifilmar

Eftir Strange Brew spældi Rick í eini røð av filmum tey næstu 10 árini, har teir mest kendu munnu vera Ghostbusters, Spaceballs og Honey, I Shrunk the Kids og teir tveir eftirfylgjararnir av tí filminum.

Síðstu stóru filmarnir, Rick Moranis spældi í, vóru The Flintstones (1994) og tað stóra floppið Big Bully (1996). Í Flintstones var Rick næstan ikki til at kenna. Hann hevði ein ljósan parykk og brúkti aldrin tær stóru brillurnar, sum var eyðkenni hansara. Disney endaði Honey, I shrunk røðina í 1997 viðfilminum Honey, We Shrunk Ourselves, sum varð útgivin beint á VHS band uttan sýningar í filmshúsum, har Rick var tann einasti uppunaligi sjónleikarin sum var eftir í røðini. Hann hevur eftir røðina arbeitt tvær ferðir afturat fyri Disney, hesu ferð sum raddaleikari fyri ein elg í filminum Brother Bear og eftirfylgjaranum, sum kom út stutt aftaná.

Avgerðin um at gevast í filmsídnaðinum

Rick gavst almennt í filmsídnaðinum í 1997, seks ár aftaná at hann hevði mist konu sína, Ann, sum doyði av bróstkrabba í 1991. Hann greiddi seinni frá í eini samrøðu, at hann var farin so spakuliga at trekkja seg frá filmstilboðum í 1996 ella 1997. "Eg eri einligur pápi og føldi tað torført at ala upp børn míni, samstundis við allari ferðingini, sum fylgir filmsgerð. So eg tók mær ein lítlan steðg, sum so bleiv til ein eitt sindur longri steðg, og so gekk tað upp fyri mær at eg saknaði tað ikki so nógv"^[3]

Onnur verk

Rick Moranis hevur tvær ferðir verið nomineraður til eina Grammy virðisløn. Tað var í 2006 við útgávuni The Agoraphobic Cowboy.

Filmografi

Film

Year	Heiti	Leiklutur	Viðmerkingar
1983	Strange Brew	Bob McKenzie	Høvundur og Leikstjóri
1984	The Wild Life	Harry
1984	Ghostbusters	Louis Tully
1984	Streets of Fire	Billy Fish
1984	Hockey Night	Coach
1985	Brewster's Millions	Morty King
1985	Head Office	Howard Gross
1986	Little Shop of Horrors	Seymour Krelborn
1986	Club Paradise	Barry Nye
1987	Spaceballs	Lord Dark Helmet
1989	Ghostbusters II	Louis Tully
1989	Parenthood	Nathan Huffner	American Comedy Award fyri stuttligasta eykaleikara í einum spælifilmi
1989	Honey, I Shrunk the Kids	Wayne Szalinski
1990	My Blue Heaven	Barney Coopersmith
1991	L.A. Story	Gravedigger	Ókrediteraður
1992	Honey, I Blew Up the Kid	Wayne Szalinski
1993	Splitting Heirs	Henry Bullock
1994	Little Giants	Danny O'Shea
1994	The Flintstones	Barney Rubble
1996	Big Bully	David Leary
1997	Honey, We Shrunk Ourselves	Wayne Szalinski
2001	Rudolph the Red-Nosed Reindeer and the Island of Misfit Toys	The Toy Taker Mr. Cuddles	Rødd
2003	Brother Bear	Rutt	Rødd
2003	Miss Spider's Sunny Patch Kids	Holley	Rødd
2006	Brother Bear 2	Rutt	Rødd

Sjónvarp

Ár	Heiti	Leiklutur	Viðmerkingar
1980–1981	Second City TV	Fleiri leiklutir	Leikritshøvundur Emmy Award fyri Outstanding Writing in a Variety or Music Program Nomineraður – Emmy Award fyri Outstanding Writing in a Variety or Music Program
1981–1982	SCTV Network 90	Bob McKenzie og onnur	Leikritshøvundur
1983	Saturday Night Live	Bob McKenzie	Røð 8, Partur 10
1983	Saturday Night Live	Hannsjálvur	Eyka vertur Røð 8, Partur 11
1984	Hockey Night	Coach	Episode: "Crackers"
1989	The Rocket Boy	Automatic Safety System
1989	Saturday Night Live	Himself	Vertur Røð 15, partur 2
1990	Gravedale High	Max Schneider
1990	The Earth Day Special	Vic's Buddy
1997	Muppets Tonight	Hannsjálvur

Parkir

Ár	Heiti	Leiklutur	Viðmerkingar
1994	Honey, I Shrunk the Audience!	Wayne Szalinski	Former Disney Parks in 3-D

Diskografi

Album

The Great White North (1981)
Strange Brew soundtrack (1983)
You, Me, the Music and Me (1989)
The Agoraphobic Cowboy (2005)
My Mother's Brisket & Other Love Songs (2013)

Film soundtrack

Ár	Tónaskald	Lag	Filmur	Leiklutur
1986	Howard Ashman & Alan Menken	"Skid Row Downtown" "Da-Doo" "Grow For Me" "Feed Me (Git It!)" "Suddenly, Seymour" "The Meek Shall Inherit"	Little Shop of Horrors	Seymour Krelborn
1997	Various artists	"High Hopes" "Salute to the late fifties crooners, obscure British bands and Bill Withers"	Muppets Tonight	Hannsjálvur

Virðislønir og tilnevningar

Ár	Virðisløn	Flokkur	Úrslit
1981	Primetime Emmy Award	Outstanding Writing in a Variety or Music Program	Vann
1982	Primetime Emmy Award	Outstanding Writing in a Variety or Music Program	Tilnevndur
1983	Grammy Award	Best Comedy Album	Tilnevndur
1990	American Comedy Award	Funniest Supporting Actor in a Motion Picture	Vann
1995	Earle Grey Award	Best Cast	Vann
2006	Grammy Award	Best Comedy Album	Tilnevndur