Muhammad Ali (føddur Cassius Marcellus Clay Jr.;[7] 17. januar 19423. juni 2016) var ein amerikanskur olympiskur ítróttarmaður, yrkisboksleikari og aktivistur. Hann er ein av kendastu ítróttarfólkum í 20. øld.

Muhammad Ali
Muhammad Ali in 1967
Fødd(ur) Cassius Marcellus Clay Jr.
(1942-01-17)17. januar 1942
Louisville, Kentucky, USA.
Andaðist 3. juni 2016(2016-06-03) (aldur 74)
Scottsdale, Arizona, USA.
Hvíldarstaður
Cave Hill Cemetery, Louisville, Kentucky, USA.
Minnisvarðar
  • Muhammad Ali Mural, Los Angeles, CA[1]
Onnur nøvn
  • The Greatest
  • The People's Champion
  • The Louisville Lip
Etnisk bakgrund Afroamerikanari
Útbúgving Central High School (Louisville, Kentucky (1958)[2]
Átrúnaður Islam
Denomination Sunni Islam
Ákæra
Slapp sær undan herskyldu [3]
Straffur
5 ára fongsulsrevsing, 10.000 dollarar í bót, og bann frá boksing í 3 ár.[3]
Rættarlig støða Kolldømt í 1971[3]
Hjúnafelagi(ar)
  • Sonji Roi (g. 1964; sk. 1966)
  • Khalilah Ali (g. 1967; sk. 1977)
  • Veronica Porché Ali (g. 1977; sk. 1986)
  • Yolanda Williams (g. 1986–2016)[2]
Børn 9, har ímillum Laila Ali[2]
Foreldur Cassius Marcellus Clay Sr.
Odessa Grady Clay[2]
Virðislønir
Heimasíða
muhammadali.com

Cassius Clay var føddur og uppvaksin í Louisville, Kentucky í USA. Hann byrjaði at venja amatørboksing tá ið hann var tólv ára gamal. Tá hann var átjan ára gamal, vann hann eina gullmedalju til olympisku leikirnar í Róm í 1960. Stutt eftir tað skifti hann átrúnað til islam. Tá Clay var 22 ár í 1964, vann hann tveir boksititlar frá Sonni Liston. Tað var tá at hann skifti navn frá Cassius Clay til Muhammad Ali, tí hann føldi at Cassius Clay var eitt "trælanavn".[8][9]

Í 1966, tvey ár aftaná at hava vunnið tungvektsbokstittulin frá Sonni Liston, forargaði Ali ta amerikonsku stjórnina við at nokta at skriva seg inn í tann amerikanska herin. Hann var ímóti amerikanska virkseminum í Vjetnam, og segði sín átrúnað vera orsøkina til avgerð sína.[8][10] Hann var seinni handtikin og funnin sekur í at mótsiga hernaðarskyldu. Eisini vóru bokstitlar hansara tiknir frá honum. Hann mótmælti fyri hægstarætti í USA, sum læt dómin falla í 1971.[11][12]

Ali er mettur at vera ein av bestu tungvektboksarum í 20. øld. Hann var seks ferði valdur sum "ársins nevaleikari" í blaðnum The Ring. Hann var valdur sum "Besti ítróttarmaður í 20. øld" av Sports Illustrated og BBC. Sjónvarpstøðin ESPN nevndi hann triðja besta ítróttarmann í 20. øld. Ali hevði eyknevnið "the Greatest" og var við í fleiri søguligum boksdystum.[13] Har ímillum kunna nevnast: Fight of the Century, Super Fight II, Thrilla in Manilla, og The Rumble in the Jungle, har hann bardist við George Foreman.

Í tí tíðini tá Ali bardist sum mest, var tað venjan at umboðsmenn boksarana tóku sær av at tosa við fjølmiðlar. Ali stórtreivst í kastljósinum, har hann ofta kundi vera ágangandi og margháttligur.[14][15] Hann var kendur fyri at útspilla mótstøðuleikaranar, og tosaði ofta skjótt, í rími, ella yrkingum. Hetta gjørdi hann eisini undir yrkisleið síni sum aktivistur.[16][17][18] Sum tónleikari tosaði Ali inn á tvær plátur og var við í einum rútmu/blues sangi. Hetta fekk hann tvær Grammy tilnevningar fyri.[18] Sum sjónleikari var hann við í fleiri filmum og einum Broadway songleiki. Ali skrivaði tvær sjálvsævisøgur, eina undir yrkisleið sínari sum boksari og eina aftaná.

Eftir at Ali gavst sum boksari í 1981, gav hann lív sítt til átrúnaðar- og góðgerðarstarvsemi. í 1984 greindist hann við Parkinsonsjúku, sum læknar hansara mettu, at var komið av skaða í heilanum, ið hann hevði mátt fingið undir starvi sínum sum boksari. Sum Ali fór versnandi av sjúkuni, minkaðu eisini tær almennu upptraðkaninar. Familja Ali tók sær av honum til deyða hansara í Arizona tann 3. juni 2016.

Keldur rætta

  1. "Muhammad Ali: The greatest monument to the great one". MediaWorks TV. March 31, 2011. http://www.newshub.co.nz/sport/muhammad-ali-the-greatest-monument-to-the-great-one-2011033110. Heintað June 4, 2016. 
  2. 2.0 2.1 2.2 2.3 "Muhammad Ali Biography". thefamouspeople.com. http://www.thefamouspeople.com/profiles/muhammad-ali-2411.php. Heintað June 4, 2016. 
  3. 3.0 3.1 3.2 "Muhammad Ali refuses Army induction – Apr 28, 1967". HISTORY.com. http://www.history.com/this-day-in-history/muhammad-ali-refuses-army-induction. Heintað June 4, 2016. 
  4. "Citations for Recipients of the 2005 Presidential Medal of Freedom". Washington D.C., U.S.: The White House, George W. Bush. November 9, 2005. https://georgewbush-whitehouse.archives.gov/news/releases/2005/11/20051109-10.html. Heintað June 6, 2016. 
  5. "Muhammad Ali". ibhof.com. http://www.ibhof.com/pages/about/inductees/modern/ali.html. Heintað June 6, 2016. 
  6. Bulman, May (June 4, 2016). "Why Muhammad Ali's star is on the wall, not the Walk of Fame". The Independent. http://www.independent.co.uk/news/people/muhammad-ali-death-hollywood-star-why-is-it-on-the-wall-not-walk-of-fame-a7065186.html. Heintað June 6, 2016. 
  7. http://www.usatoday.com/story/sports/boxing/2016/07/11/muhammad-ali-name-change-cassius-clay/86956544/
  8. 8.0 8.1 http://www.gilderlehrman.org/history-by-era/civil-rights-movement/essays/importance-muhammad-ali
  9. http://hollowverse.com/muhammad-ali/
  10. Roberts, Randy (1991) Winning is the only thing: Sports in America since 1945. Johns Hopkins University Press. Síða 171-172
  11. http://www.portlandmercury.com/portland/not-so-fast/Content?oid=10883366
  12. http://www.nytimes.com/2013/06/21/sports/in-alis-voice-from-the-past-a-stand-for-the-ages.html
  13. espn.go.com/sports/boxing/topics/_/page/muhammad-ali
  14. https://www.youtube.com/watch?v=JwPPM_vaNrI
  15. https://www.youtube.com/watch?v=J6Hey54O6Qs
  16. http://www.nytimes.com/2016/06/09/opinion/muhammad-ali-the-political-poet.html
  17. http://www.rollingstone.com/music/news/muhammad-ali-worlds-greatest-boxer-was-also-hip-hop-pioneer-20160604
  18. 18.0 18.1 http://www.rollingstone.com/culture/news/muhammad-ali-4-ways-he-changed-america-20160605