Birita Debes

Birita Debes (fødd 1995, uppvaksin í Rituvík) er ein føroyskur svimjari, sum svimur fyri Ægir og fyri Føroyar. Hon hevur fyrr svomið fyri FLOT. Í mai 2013 varð hon úttikin til Føroyska svimjilandsliðið, sum skal svimja á HM í Barcelona í juli/august 2013.

Lívsleið innan svimjing

EM 2013 á stuttgeil í Herning

• Svam innleiðandi kapping 100 m rygg við tíðini 1:01.48, kom ikki víðari í semifinaluna
• nr 30 av 42 í 50 metrar rygg við tíðini 28.78, sum var eitt vet frá hennara føroyska meti á 28.51, sum hon svam á HM í Istanbul í 2012
• Svam 50 m frí við tíðini 26:56. Kom ikki víðari til semifinaluna.
• Svam 50 m firvald við tíðini 28.52 (persónligt met)

FM 2013

Birita vann fleiri heiðursmerki á FM stevnuni í Havn í mai 2013.

• Gull í 100 m rygg við tíðini 1:02.96
• Gull í 200 m rygg við tíðini 2:25.39
• Gull í 4 x 100 m frí við tíðini 3:55.91, Ægir, tær settu nýtt føroyskt seniormet, hinar tríggjar vóru: Victoria Wigant Eysturdal, Cecilia Eysturdal og Astrið Foldarskarð.
• Gull í 4 x 100 m blandað við tíðini 4:25.43, sum var nýtt føroyskt seniormet. Hinar tríggjar úr Ægir vóru: Turið S. Christiansen, Astrið Foldarskarð og Cecilia Eysturdal
• Silvur í 100 m frí við tíðini 58.91

EM 2012 - føroyskt met í 50 m rygg

Birita luttók á EM stevnu í Debrecen, Ungarn í 2012. Hon vann ikki nakað heiðursmerki, men svam sína bestu tíð í 50 m rygg, hon svam við tíðini 30.60, sum var nýtt føroyskt met.

Oyggjaleikir 2011

Birita svam fyri Føroyar á Oyggjaleikunum 2011. Hon vann 4 gull, 2 silvur og 1 bronsu heiðursmerki. Harav vóru 4 liðkappingar og 3 einstaklingakappingar.

2010

Birita kláraði seg sera væl í 2010. Hóast hon var juniorur í 2010, so setti hon fleiri føroysk senior met. Eitt av metunum setti hon, tá hon sum fyrsta føroyska kvinnan vann gull á norðurlendsku svimjistevnuni. Tað gjørdi hon á NJM stevnuni í Kastrup í Danmark 11. desember 2010, hon vann gull í 100 metrar ryggsvimjing .

Oyggjaleikir 2009

Birita var á føroyska svimjilandsliðnum á Oyggjaleikunum í 2009 í Álandi, hon vann 3 gull heiðursmerki og 1 bronsu heiðursmerki.

• Gull í 50 m rygg við tíðini 29.97
• Gull í 4 x 50 m blandað við tíðini 1:58.86, hinar tríggjar vóru: Shaila millum Garðarnar, Guðrun Holm Jacobsen og Katarina S. Lamhauge
• Gull í 4 x 100 m blandað við tíðini 4:22.92, hinar tríggjar vóru: Malan Vitalis Bærendsen, Shaila millum Garðarnar og Bjørg Seloy
• Bronsu í 100 m rygg við tíðini 1:05.34