UEFA

Evropeiska fótbóltssamgongan UEFA (Union of European Football Associations) er ein paraplyfelagsskapur fyri evropeisk fótbóltssersambond. UEFA varð stovnað 15. juni 1954 í Basel, Sveis. Fótbóltssamband Føroya gjørdist limur í UEFA í 1990, eftir at Føroyar fyrst gjørdist limur í FIFA í 1988.

Kappingar

Verandi

Felagsskapurin fyriskipar nú hesar fótbóltskappingar:

EM í fótbólti: Evropameisterskapur fyri landslið, sum verður hildið fjórða hvørt, har tað seinasta var 2012 í Póllandi/Ukraina.
EM U21: Evropameistaraskapur fyri U21-landslið. Kappingin verður hildin annað hvørt ár.
UEFA Champions League: Tann kapping í heiminum fyri feløg, ið er best umtókt. Fungerar eisini sum eitt óalment EM fyri feløg. Vinnarin av kappingini kvalifiserar seg til HM í fótbólti fyri feløg.
UEFA Europa League: Ein samansmelting av tveimum fyrrverandi kappingum hjá UEFA: UEFA Cup og Intertoto Cup.
UEFA Women's Champions League

Fyrrverandi

Felagsskapurin hevur fyrr fyriskipað hesar fótbóltskappingarnar:

UEFA Intertoto Cup: Ein annarleiðis summerkapping for feløg, við trimum vinnarum, ið fáa atgongd til UEFA Cupp. Kom í staðin fyri International Football Cup, hvørs høvuðsendamál var at tryggja fótbóltsdystir á tipskupongina. Kappingin varð hildin fyri seinastu ferð í 2008.
UEFA Cup: Ein kapping fyri tey "næst-bestu" liðini í teimum í teimum ymisku londunum, umframt steypavinnararnir. Kappingin varð hildin fyri seinastu ferð í 2008-09-sesongini. Í staðin fyri kom UEFA Europa League.
UEFA Europa Cup fyri steypavinnarar: Ein evropeisk kapping fyri steypavinnarar. Kappingin varð hildin fyri seinastu ferð í 1998.

Forsetar

	Navn	Tjóðskapur	Tíðarskeið
1.	Ebbe Schwartz	Danmark	1954–1962
2.	Gustav Wiederkehr	Sveis	1962–1972
3.	Artemio Franchi	Italia	1972–1983^†
4.	Jacques Georges	Frakland	1983–1990
5.	Lennart Johansson	Svøríki	1990–2007
6.	Michel Platini	Frakland	2007–2016
7.	Aleksander Čeferin	Slovenia	2016-