Tjóðpallur Føroya

Tjóðpallur Føroya er ein almennur stovnur, ið er skipaður við Løgtingslóg nr. 68 frá 2. mai 2003. Tjóðpallur Føroya varð settur á stovn í 2004 og húsast í bygningi í Tórsgøtu í Havn. Tað er Jenny C. Petersen, ið er virkandi stjóri á Tjóðpalli Føroya.

Tórsgøta í Havn. Tjóðpallur Føroya er í gula bygninginum mitt á myndini.

Lóg um tjóðpallin

Tjóðpallurin skal (sambært lógini)

• Í virksemi sínum leggja dent á føroysk verk á dygdargóðum listaligum støði eins og stovnurin skal framføra klassisk so væl sum nútímans altjóða verk.
• Geva borgarunum í øllum landinum eitt breitt og dygdargott tilboð av leiklist - sjónleiki so væl sum aðrari palllist.
• Tryggja sjónleikarum, dansarum og øðrum leikhússtarvsfólki hóskandi arbeiðsmøguleikar til tess at menna yrkisførleikar teirra.
• Skipa fyri leiklistaligum útbúgvingum og eftirútbúgvingum.
• Fremja og menna yrkis- og áhugaleiklistina í Føroyum.

Leikverk

Yvirlitið er ikki fullfíggjað

Leikverk 2014

• Tóm rúm. Frumframførdur 15. februar 2014

Leikverk 2013

• Keisarans nýggju klæðir, Hans Tórgarð og Katarina Nolsøe hava gjørt ævintýrið hjá H.C. Andersen til leik og spæla allar

leiklutirnar.

• Myrkursins børn, frumframførdur á Tjóðpallinum 13. apríl 2013. Leikrit og leikstjórnað: Súsanna Tórgarð.
• Sár á Sál - leikrit og leikstjóri: Kristina S. Hansen, leikarar: Annika Johannessen og Sofía Nolsøe, frumsýning á Tjóðpallinum 9. februar 2013.

Leikverk 2012

• Tak teg saman - ungdómsleikur/musical-lestur, framførdur í Perluni í oktober 2012 orsakað av at herverk var framt á Tjóðpallin. Tey leikandi: Beinta Clothier, Kjartan Hansen og Bartal Augustinussen. Leikritið er skrivað í 2007 av dananum Heinrich Christensen.
• Breaking the waves - frumframførdur á Tjóðpallinum 24. mars 2012. Leikrit: Vivian Nielsen eftir filmshandriti hjá Lars von Trier, Peter Asmussen og David Pirie, týðing til føroyskt: Laura Joensen, leikstjórnað: Guðjón Pedersen. Høvuðsleiklutirnar sum Bess og Jan høvdu Beinta Clothier og Hjálmar Dam.

Leikverk 2010

• Heimsins bestu jarðarferðir – sýningar á Tjóðpallinum og á turné – 27 sýningar og 1.782 áskoðarar
• Danny Crowe Show – 20 sýningar og 1.236 áskoðarar
• Kirsiberjagarðurin – 30 sýningar og 2.472
• Vatnið vinnur harðar hellur – 11 sýningar í Beitishúsinum og 623 áskoðarar
• Brot úr leikinum Logi, logi eldur mín og hugleiðingar um Johannu Mariu Skylv Hansen – sýningar í Tórshavn og á Sandi - 4 sýningar – 250 áskoðarar

Tilsamans hava 92 sýningar verið og 6.363 áskoðarar. 57 fólk hava verið knýtt at Tjóðpallinum í styttri ella longri tíð, av hesum vóru 41 lønt av Tjóðpallinum. Umframt hetta hava 4 næmingar verið í starvsvenjing. Tvey leikverk, sum vóru stuðlað av kontuni Stuðul til Yrkisleiklist, hava vant og spælt í hølunum hjá Tjóðpallinum. Leikbólkurin Gríma: “Apan” 9 sýningar og leikbólkurin Grugg: “Goym moralin til seinni” 15 sýningar. Det Ferösche Compagnie fór undir venjingar av “Indberetninger fra en rejse i Færø”

Harumframt vóru 2 sýningar av gestaleikinum “Duvorna” frá Sjónleikaraskúlanum í Luleå, tónleikatiltøk o.l.

Leikverk 2009

• Nordost – turné – 9 sýningar og 567 áskoðarar
• Kvinnan í svørtum – 22 sýningar og 1.488 áskoðarar
• Í Óðamansgarði – 2 sýningar á Þjóðleikhúsinum í Reykjavík
• Postkort úr Havn – saman við Havnar Sjónleikarfelag – 16 sýningar og 1.200 áskoðarar
• Aftaná Undrið – 28 sýningar og 2.061 áskoðarar, frumsýning 24. oktober 2009

Tilsamans hava 89 sýningar verið og 6.275 áskoðarar. 71 fólk hava verið knýtt at Tjóðpallinum í styttri ella longri tíð, av hesum vóru 46 lønt av Tjóðpallinum. Umframt hetta hava 3 næmingar verið í starvsvenjing. Eitt leikverk, sum varð stuðlað av kontuni Stuðul til Yrkisleiklist, hevur vant og spælt í hølunum hjá Tjóðpallinum. Leikbólkurin Gríma “Pietá” 16 sýningar – 792 áskoðarar.

Leikverk 2008

• Eg eri mín egna kona – 20 sýningar og 1743 áskoðarar - Á Meiarínum, frumsýning 9. mars 2008
• Café Grugg - 6 sýningar og 576 áskoðarar - Á Meiarínum
• Nordost – 22 sýningar og 2093 áskoðarar - Á Meiarínum
• Í Geyma – 18 sýningar og 2.538 áskoðarar - Í Norðurlandahúsinum

Tilsamans hava 69 sýningar verið og 7693 áskoðarar. 49 fólk hava verið knýtt at Tjóðpallinum í styttri ella longri tíð, av hesum vóru 39 lønt av Tjóðpallinum. Umframt hetta hava 3 næmingar verið í starvsvenjing.

Leikverk 2007

• Søgan um ein soldát – turné – 10 sýningar og 1.003 áskoðarar
• Náttarherbergið – 17 sýningar og 1.302 áskoðarar, á Meiarínum
• Náttin áðrenn skógin – 19 sýningar og 656 áskoðarar
• Café Grugg – 4 sýningar og 365 áskoðarar
• Ferðsluálvurin Mórreyða – turné - 36 sýningar og 2.494 áskoðarar

53 fólk hava verið knýtt at Tjóðpallinum í styttri ella longri tíð, av hesum vóru 37 lønt av Tjóðpallinum. Umframt hetta hava 4 næmingar verið í starvsvenjing.

Leikverk 2006

• Limbo (Margareta Garpe) – 22 sýningar og 1.547 áskoðarar, á Meiarínum
• Í Óðamansgarði – 6 sýningar og 2.221 áskoðarar, í Norðurlandahúsinum
• Søgan um ein soldát – 1 sýning og 84 áskoðarar, Posthúskjallarin

Tilsamans hava 32 sýningar verið og 5.617 áskoðarar. 108 fólk hava verið knýtt at Tjóðpallinum í styttri ella longri tíð, av hesum vóru 78 lønt av Tjóðpallinum. Umframt hetta hava 6 næmingar verið í starvsvenjing.

Leikverk 2005

• Momo – 30 sýningar og 2.554 áskoðarar, á Meiarínum, frumsýning 13. mars 2005
• Sellofan – 26 sýningar og 2.502 áskoðarar, á Meiarínum
• Ronja Ránsmansdóttir – 20 sýningar og 7.142 áskoðarar, í Norðurlandahúsinum

Tilsamans hava 76 sýningar verið og 12.198 áskoðarar. 112 fólk hava verið knýtt at Tjóðpallinum í styttri ella longri tíð, av hesum vóru 57 lønt av Tjóðpallinum. Umframt hetta hava 6 næmingar verið í starvsvenjing

Slóðir úteftir

• Tjodpallur.fo, heimasíðan hjá Tjóðpalli Føroya