Munurin millum rættingarnar hjá "Gudloysi"

'''Gudloysi''' ella '''ateisma''' merkir ''uttan gud''. [[Orð]]ið "ateisma" stavar úr [[Grikskt mál|grikskum]] (a-theos) og merkir bókstaviliga "uttan gud" og [[Føroyskt mál|føroyska]] týðingin "gudloysi" merkir tað sama. Fólk, sum eru gudloysingar, trúgva ikki upp á nakran gud ella gudar. Munur er á gudloysi og skeptisismu ella at vera tortrúgvin. Nógvir gudloysingar eru eisini skeptikarar, men ikki allir, og tað er gjørligt at ikki trúgva upp á ein gud el. gudar, meðan ein samstundis trýr uppá gand og ymiskt annað. Tað einasta, sum allir gudloysingar hava til felags, er, at teir ikki trúgva upp á nakran gud. Hetta ger tað trupult at samla allar gudloysingar í sama bás. Ósemja finst millum gudloysingar um, hvat besta heitið er at ganga undir, júst hvat teir so trúgva og hvørt gudloysi er eitt ov avgjørt heiti. Í Føroyum er ein felagsskapur til fyri gudloysingar, sum eitur "Gudloysi"<ref>[http://gudloysi.fo Heimasíðan hjá Gudloysi]</ref>. Hetta felag varð stovnað í august 2008 og hevur síðani ment seg til ein lívligan luttakara í samfelagsligum kjaki, tá talan er um ta ávirkan, sum [[átrúnaður]] hevur á føroyska gerandisdagin.

 

== Kelda ==

<references/>

 

[[Bólkur:Heimspeki]]