Høgni Reistrup
Høgni Reistrup ella Högni Reistrup sum er navnið hann brúkar sum tónleikari (føddur 1984) er ein føroyskur sangari, sangskrivari, tónleikari og rithøvundur, útbúgvin miðlafrøðingur (cand.mag í miðlavísindum). Hann hevur givið út fýra fløgur.
Fjórða útgávan hjá Högna Reistrup við heitinum "Áðrenn vit hvørva" kom út 2. desember 2013. Útgávan er tøk á plátu, fløgu og talgilt. Upptøkurnar eru framdar í Berlin og í Reykjavík. Framleitt tilfarið á "Áðrenn vit hvörva" hava Janus Rasmussen og Ólavur Jákupsson.
Fyrsta staklagið av "Áðrenn vit hvörva" var Vegurin [1]
Hann gav út sína fyrstu fløgu 11. juli 2007 við heitinum "Hugafar á ferð". Fløgan fekk góð skoðsmál og millum annað 4/6 stjørnur í viðurkenda danska tónleikablaðnum Gaffa. Sangurin Vit vita at so er av fyrstu útgávuni lá ovast á hittlistanum í føroysku útvarpssendingini 15 tær bestu i 8 vikur.
Høgni er eisini rithøvundur. Hann gav út bókina Valið og valdið í 2011 saman við Stefani í Skorini. Í bókini greina 17 ymiskir frøðingar løgtingsvalið við útgangsstøði í servitan teirra. Í 2012 góvu Høgni og Heri á Rógvi út bókina Exit Føroyar[deyð leinkja], ið fekk sera nógva umrøðu.
Útgávur rætta
Tónleikaútgávur rætta
- Áðrenn vit hvørva, 2013.[2] Fløgan er tikin upp í Berlin og Reykjavík og ljóðblandað í Íslandi av Janusi Rasmussen. Janus Rasmussen og Ólavur Jákupsson framleiddi fløguna. Hon kom út 2. desember 2013. Á fløguni eru ellivu skeringar. Tekstirnir eru á føroyskum.
- Samrøður við framtíðina, 2011.[3] Fløgan er tikin upp í Føroyum og ljóðblandað í Íslandi av íslendinginum Styrmir Hauksson. Janus Rasmussen framleiddi fløguna. Hon kom út í november 2011. Fløgan telur tíggju skeringar við føroyskum tekstum.
- Trý fet frá tilveruni, 2010.[4] Tónleikurin er tikin upp í Føroyum og ljóðblandaður í Dublin av íranum Kieran Lynch. Fløgan kom út 1.mars 2010. Fløgan telur tíggju skeringar við føroyskum tekstum.
- Hugafar á ferð, 2007.[5] Tónleikurin er tikin upp í Føroyum. Fløgan telur tíggju skeringar við føroyskum tekstum.
Bókaútgávur rætta
- 2011 - Valið og valdið, Høgni Reistrup, Stefan í Skorini, (17 ymsir frøðingar greina løgtingsvalið út frá ymiskum sjónarmiðum), 258 síður, ISBN:978-99918-71-74-5[6]
- 2012 - Exit Føroyar, Heri á Rógvi og Høgni Reistrup, (um fólkafráflyting úr Føroyum), Sprotin[7]
- 2015 - Framtíðin er okkara, Høgni Reistrup, (um føroyskan politikk og eitt sjálvbjargið samfelag), Sprotin[8]
Útbreiðsla rætta
Umframt at tónleikurin er nógv spældur í Føroyum, hevur hann eisini verið at hoyrt í millum annað Íslandi, Týsklandi, Onglandi, Skotlandi, Danmørk, Grønlandi og Finnlandi.
Vinnuvirksemi rætta
Høgni Reistrup hevur stovnað og er stjóri í fyritøkuni Guide to Faroe Islands, sum er ein marknaðarpallur fyri upplivingar til ferðafólk.[9]
Keldur rætta
- ↑ Vegurin á Youtube.com
- ↑ http://kvf.fo/netvarp/uv/2013/11/22/renn-vit-hvrva-hgni-reistrup
- ↑ "Sandportal.fo". http://www.sandportal.fo/tnleikur/innanlands/hogni-reistrup-vi-nggjari-flogu.aspx. Heintað 2012-10-11.
- ↑ "Diskant.dk". http://www.diskant.dk/anmeldelser/pladeanmeldelser/h%C3%B8gni-reistrup-try-fet-fra-tilveruni.htm. Heintað 2012-10-11.
- ↑ "Tutl.com". http://www.tutl.com/shop/index.php?productID=294. Heintað 2012-10-11.
- ↑ Listinblog.blogspot.com
- ↑ Sprotin.fo[deyð leinkja]
- ↑ "Sprotin.fo". http://sprotin.fo/show_product.php?ProductId=665. Heintað 2015-08-04.
- ↑ My Faroe Islands