Guðrið Hansdóttir
Guðrið Hansdóttir (fødd 6. oktober 1980 í Tórshavn sum Guðrið Hansen) er ein føroysk songkvinna, sangskrivari og tónleikari. Hon er uppvaksin á Argjum og hevur fingist við tónleik, síðan hon var blaðung. Hon er dóttir Louisu og Hans Carl Hansen. Pápi hennara er ein kendur guitarleikari í Føroyum, hann hevur eitt nú spælt við orkestrunum Straight Ahead og Streingjasúpan. Tá Guðrið var 14-ára gomul lærdi pápi hennara hana at spæla guittar, og so fór hon í holt við at gera sínar egnu sangir.[1] Guðrið hevur seinastu árini verið ein tann best umtókta føroyska songkvinnan. Hon flutti til Íslands at búgva eftir útgávuni av Beyond the Grey í 2011.[2] Seinnu árini hava alt fleiri fólk lagt merki til hennara sangir og framførslur. Hon hevur áður spælt á Summar Festivalinum. Hon hevur tvær ferðir vunnið heiðurslønir á Planet Awards. Fyrst varð hon kosin Ársins songkvinna í 2007 og síðan varð fløga hennara The Sky is Opening kosin Ársins útgáva á Planet Awards 2009.
Guðrið er kend fyri at hava sínar framførslur í vøkrum kjólum, og sangirnir hjá henni eru frálíkir. Síðani sangirnir komu út á fløgu, hava teir fingið ta viðurkenning, sum teir hava uppiborið.
Triðja tónleikaútgávan hjá Guðrið, Beyond the Grey, varð í Íslandi vald til nummar 9 á einum topp-10 lista yvir bestu tónleikaútgávur í Íslandi tað árið (2011).[3]
Í 2013 stovaðu Guðrið Hansdóttir og Janus Rasmussen elektro-duo'ina Byrta. Janus býr í Íslandi, har hann er ein av fýra limum í tónleikabólkinum Bloodgroup. Guðrið búði í Íslandi í 1½ ár frá summarinum 2011 til umleið ársskiftið 2012/13, og har funnu tey bæði útav at samstarva um nýggja popptónleik, og nú hava tey stovnað bólkin Byrta. Guðrið hevur skrivað allan tónleikin, meðan Janus spælir øll ljóðførini og hevur framleitt fløguna, sum kom út í mai 2013.[4]
Útgávur
rættaEgnar útgávur
rætta- Love Is Dead, TUTL, 2007.
- The Sky is Opening, 2009.
- Beyond the Grey, 2011.
- Taking Ship, 2014, EP við 7 løgum, tekstirnir eru yrkingar eftir týska skaldið Heinrich Heine í enskari týðing, tó er ein av yrkingunum í føroyskari týðing eftir Poul F. Joensen.[5]
Tónleikaútgávur við Byrta
rættaByrta er ein tónleikaduo við Guðrið Hansdóttir og Janus Rasmussen. Tey góvu út fleiri stakløg í 2013 og eina fløgu í mai 2013.[6]
Heiður
rætta- Planet Awards 2005 tilnevnd sum Ársins songkvinna
- Planet Awards 2006 tilnevnd sum Ársins songkvinna
- Planet Awards 2007 - Ársins songkvinna (vann)
- Planet Awards 2009 Ársins tónleikaútgáva fyri The Sky is Opening (vann)
- Planet Awards 2009 - Tilnevnd Besta songkvinna (vann ikki)
- Planet Awards 2010 tilnevnd sum Ársins songkvinna (vann ikki)
- Planet Awards 2011 tilnevnd sum Ársins songkvinna (vann ikki)
- Planet Awards 2011 tilnevnd sum Ársins einstaklingur' (vann ikki)
- Planet Awards 2011 tilnevnd í bólkinum Ársins útgáva fyri fløguna Beyond the Grey[8]
Keldur
rætta- ↑ Tutl.com
- ↑ Facebook.com
- ↑ Kringvarpið hevði samrøðu við Guðrið Hansdóttir 25. januar 2013.
- ↑ Kringvarp.fo Kend tónlistafólk stovna elektro-duo
- ↑ "Aktuelt.fo, Guðrið Hansdóttir givið út fløgu við 7 løgum í dag". http://aktuelt.fo/gudrid+hansdottir+givid+ut+flogu+vid+7+logum+i+dag.html#.UwxI20IhCK0. Heintað 2014-02-25.
- ↑ Kringvarp.fo Kend tónlistafólk stovna elektro-duo
- ↑ Soundcloud.com
- ↑ Planet.fo[deyð leinkja] Planet Awards 2011: Tey tilnevndu eru… (in Faroese, list of the nominted artist, albums and musical groups for the Planet Awards 2011)
- Planet.fo Archived 2012-05-30 at Archive.today, Hesi vunnu Planet virðislønir.
