Glenda Jackson
Glenda Jackson (fødd 9. mai 1936 í Birkenhead í Cheshire, deyð 15. juni 2023 í Blackheath) var bretsk sjónleikarinna og politikari. Hon móttók tvær Oscar-virðislønir.[1][2]
Glenda Jackson byrjaði sína yrkisleið sum 21 ára gomul í 1957. Hon spældi nógvir leiklutir, bæði á palli, í filmum og í sjónvarpsrøðum, eitt nú "Sunday Bloody Sunday" frá 1971, og sama árið sum Elizabeth I drotning í filminum "Mary, Queen of Scots", saman við Vanessa Redgrave ið spældi leiklutin sum Mary Stuart .
Hetta árið fekk hon eisini eina Oscar-virðisløn fyri Besta kvinnuliga sjónleikara fyri sín høvuðsleiklut í filminum "Women in Love" frá 1969. Eina aðru ferð varð hon heiðrað við Oscar-virðislønini í 1974 fyri sín høvuðsleiklut í filminum "A Touch of Class".
Sum politikari var hon limur í bretska javnaðarflokkinum (Labour Party). Sum valevni fyri flokkin í Hampstead og Highgate varð hon vald í bretska tingið fyri fyrstu ferð í 1992.[1] Hon varð afturvald í 1997, 2001, 2005 og 2010.[3] Sum politikari hevur hon eisini verið sera atfinningarsom mótvegis innrásinum í Irak og politikki hjá Tony Blair.[4]
Ávísingar úteftir rætta
- Stutt ævisøga: Biography, glenda-jackson.co.uk (á enskum)
- Glenda Jackson, imdb.com (á enskum)
Keldutilfar rætta
- ↑ 1.0 1.1 Biography, glenda-jackson.co.uk
- ↑ Glenda Jackson, imdb.com
- ↑ Glenda Jackson MP, glenda-jackson.co.uk
- ↑ Glenda Jackson: ‘I’m an antisocial socialist’, theguardian.com, 26. juli 2020
