Evi Tommysdóttir Djurhuus (fødd Tausen, sum eisini er kunstnaranavnið) (fødd í juni 1981) er føroysk sangarinna og guitarleikari, hon syngur countrytónleik. Kunstnaranavnið hjá henni er tað sama sum føðinavnið tó uttan millumnavnið: Evi Tausen. Evi er vaksin upp í Froðba og Kastrup í Danmark. Evi býr nú í Porkeri, hon er gift við Gudmund Djurhuus. Hon hevur eisini búð í Danmark. Evi gav út stakfløgu við tveimum løgum í 2010. Upptøkurnar til stakfløguna eru gjørdar í Kris-Stuff Studio í Hoyvík, tað var Jákup Zachariasen sum stóð fyri upptøkunum og legði sangirnar til rættis. Pætur við Keldu og Heiðrun Petersen spæla eisini við á øðrum sanginum, har Pætur somuleiðis leggur rødd til.[1] Í 2011 gav Evi út enn eina fløgu, men hesaferð eina heila CD, sum ikki er stakfløga. Heitið á fløguni er: "Evi - Wishing Well", hon kom út í november 2011. Fløðan er innspæld í Nashville, har hon hevur samstarva við fleiri amerikanskar sangskrivarar, m.a. við Brent Mason, sum hevur vunnið CMA-Award sum ársins tónleikari tvær ferðir og tólv ferðir hevur hann vunnið Academy of Country Music Guitarist of the Year Award.[2] Evi er rættilgia nýggj innan tónleikalívið í Føroyum. Fyrstu ferð hon sang fyri øðrum var til sítt egna brúdleyp í august 2010, tá hon sang ein sang fyri manni sínum. Morgunin eftir gav hann henni ein guitar í morgungávu.[3] Innan tónleikaheimin nevnir Evi seg oftast bert við fornavninum Evi. Maður Evi, Gudmundur Djurhuus úr Porkeri, er umboðsmaður (manager) hjá Evi. Evi hevur framført á festivalum í Føroyum, eitt nú á Summarfestivalinum[4] og á Country Festivalinum í Sørvági í 2012.[5] Í januar 2013 lá sangurin "Oh, How I Miss You Tonight" sum Evi syngur saman við Jim Ed Brown, á einum fimtaplássi á Pan-European TOP-100 Radio Chart, sum er hittlistin hjá European Country Music Association (ECMA) .

Evi Tausen í 2013

ÚtgávurRætta

  • 2015 - Make Life A Dance, CD[6]
  • 2013 - Make This Life a Dance, staklag,[7] Jákup Zachariassen og Lena Anderssen skrivaðu sangin. Nr. 1 á country-hittlistum í Svøríki, Írlandi og Niðurlondum
  • 2011 - Evi - Wishing Well, CD
  • 2010 - How´s the world treating you, inniheldur eisini sangin He´ll have to go, stakfløga við tveimum løgum.

Heiðurslønir og tilnevningarRætta

  • 2013 - Vann írska tónleikaheiðursløn International Artist of the Year hjá Irish Country Sound, sum blaðið Farmers Journal skipaði fyri.[8] (Vann)[9] Heiðurslønir til tónleikarar vóru handaðar á Hudson Bay Hotel á einari hátíðarløtu - The 2nd annual Country Sound Entertainment Awards (Farmers Journal).[10][11]
  • 2012 - Vann heiðursløn frá ICMA Awards Fan Voting í bólkinum "Best International Country Artist". Umframt at vera tilnevnd í bólkinum, sum hon vann, var hon eisini tilnevnd í bólkinum "Country Vocal Event of the Year" við sanginum "Oh How I Miss You Tonight", sum hon sang saman við Jim Ed Brown.[12] Hon gjørdist nummar tvey í tí bólkinum. ICMA stendur fyri Independent Country Music Association.
  • 2012 - Tilnevnd Planet Awards 2012 í bólkinum Ársins songkvinna (vann ikki)[13]
  • 2012 - Evi varð vald til Artist of the Month á heimasíðuni keepitcountryradioshow.co.uk/ í februar 2012.[14]

KeldurRætta

  1. Country4You.com, Evi gir oss herlig Country Music fra Færøyene
  2. BrentMason.com
  3. Nordlysid.fo, Nýggj fløga við nýggjari rødd
  4. Guitaren.dk, Evi med nye Nashville toner.
  5. Birkblog.blogspot.com, Blues og Country í Sørvági
  6. Jensen, Eyðfinn (20 December 2015). "Kvørnin: "Make Life A Dance" við Evi Tausen" (in Faroese). Kringvarp Føroya. http://kvf.fo/netvarp/uv/2015/12/20/kvrnin-make-life-dance-vi-evi-tausen. Heintað 30 December 2015. 
  7. [http://www.amazon.com/Make-This-Life-a-Dance/dp/B00FLYKLXQ Amazon.com, Make This Life a Dance Evi Tausen]
  8. Planet.fo Evi í uppskoti til írska virðisløn
  9. Planet.fo Evi skrivar søgu í Írlandi
  10. Plakat á Facebook síðuni hjá Irish Country Sound
  11. Plakat av Evi "Blue Radio" á Facebook síðuni hjá Irish Country Sound
  12. Planet.fo, Evi vann heiðursløn
  13. Planet.fo Hesi eru tilnevnd til Planet Awards 2012
  14. Keepitcountryradioshow.co.uk, The Official Stephen Doherty Website

Slóðir úteftirRætta