Springfield (Massachusetts)

Springfield er ein býur í amerikanska stakríkinum Massachusetts.

Springfield, Massachusetts
Flagg	Skjøldur
Kort	Kort
Býarpartar í Springfield	Springfield í Hampden County
Grunddáta
Land:	USA
Stakríki:	Massachusetts
Grundlagdur:	1636
Vídd:	85.7 km²
Íbúgvar (2018):	155.032
Heimasíða:	www.springfieldcityhall.com

Býurin liggur í sunnara partinum av Massachusetts, tætt við markið til stakríki Connecticut. Áin Connecticut rennur fram við býnum.

Í 2018 búðu uml. 155 túsund fólk í Springfield. Harvið er hann triðstørsti býur í Massachusetts, næst eftir Boston og Worcester. Høvuðssætið hjá Hampden County er í Springfield.

Býurin liggur einans 39 km norðan fyri høvuðsstaðin í Connecticut, sum eitur Hartford og økið millum Hartford og Springfield er eisini kent sum "Knowledge Corridor", tí ikki minni enn 32 lærdir háskúlar við tilsamans 160 000 lesandi eru staðsettir her í økinum.

Kurvabóltur

Kurvabóltur varð uppfunnin í býnum seint í 19. øld.

Kurvabóltur er bóltleikur millum tvey lið á fimm leikarum har sum málini eru upphongdar netkurvar. Hesar kurvar eru í eini hædd sum svarar til umleið tríggjar metrar. Fyrsti dysturin ímillum skipað lið var í Springfield í 1891.

Ítróttarsavnið Basketball Hall of Fame er staðsett har í býnum.

Kend fólk úr Springfield

• Chester Harding, amerikanskur myndamálari (1792-1866).
• John Brown, amerikanskur frælsisstríðsmaður (1800-1859).
• Charles Goodyear, amerikanskur uppfinnari (1800-1860).
• Dr. Seuss, amerikanskur rithøvundur (1904-1991).
• Timothy Leary, amerikanskur høvundur og sálafrøðingur (1920-1996).
• Kurt Russell, amerikanskur sjónleikari (f. 1951).

Myndir

• 
  Springfield í 1840.
• 
  Miðbýurin
• 
  Í miðbýnum
• 
  Ráðhúsið
• 
  Býarbókasavn
• 
  "Basketball Hall Of Fame" frá 1968.
• 
  "Basketball Hall Of Fame"
• 
  Jarnbreytarstøð "Union Station"
• 
  Rættarbygningur
• 
  Brúgvin yvir um Connecticutánna millum Springfield og Agawam.
• 
  Springfield og Connecticutá

Ávísingar úteftir

• Almenna heimasíða, springfieldcityhall.com

Keldur

Hendan greinin um USA er ein stubbi. Tú kanst hjálpa Wikipedia við at víðka hana