Rasmus Rasmussen (Regin í Líð)

Rasmus Rasmussen (skaldanavn Regin í Líð), vanliga nevndur Rasmus á Háskúlanum (13. august 1871 í Miðvági - 5. oktober 1962 í Tórshavn) útgav fyrstu føroysku skaldsøguna Bábelstornið. Hann var sjálvlærdur lærari, setti saman við Símuni av Skarði Føroya Fólkaháskúla á stovn í 1899. Skrivaði bæði yrkisbøkur undir egnum navni, t.d. "Føroya floru", eins og fagurbókmentir, t.d. fyrstu skaldsøguna og fyrsta stuttsøgusavnið á føroyskum undir dulnevninum "Regin í Líð". Hann var eisini í mong ár løgtingsmaður fyri Sjálvstýrisflokkin.

• 1892 Fór hann á Vallekilde háskúla.
• 1896 Fór hann á Askov háskúla og hitti her Símun av Skarði.
• 1898-1899 Vóru Rasmus og Símun á Statens Lærerhøjskole í Keypmannahavn.
• 1899 Føroya Fólkaháskúli varð stovnaður av m.a. Rasmusi Rasmussen.
• 1899-1947 Føroya Fólkaháskúli varð stovnaður og Rasmus arbeiddi sum lærari her inntil hann legði frá sær fyri aldur.
• 1914-1928 Tingmaður fyri Sjálvstýrisflokkin.

Rasmus Rasmussen
er eitt	menniskja
Fødd(ur)	13. aug 1871 í/á Miðvágur
Andaðist	5. okt 1962 í/á Tórshavn
Alma mater	Askov Højskole
Starv	plantufrøðingur, høvundur, lærari, politikari
Politiskur flokkur	Nýtt Sjálvstýri
Børn	Jóannes Rasmussen
Mál	danskt mál
Dátuheiti
ISNI	0000000104675353
VIAF	17657379, 48420286
LCAuth	n92036633
Commons	Rasmus Rasmussen (1871)

Útgivið

Føroya Fólkaháskúli: Rasmus Rasmussen v. og Símun av Skarði h.

• 1909 - Bábelstornið kom út sum bók (áðrenn í Tingakrossi 1908-1909)
• 1910 – Plantulæra
• 1912 – Glámlýsi
• 1922–1923 – Voluspá, yvirsett
• 1928 – Høvdingar hittast
• 1936 – Føroya Flora
• 1942 – Tvær fornsøgur
• 1943 – Tvær skaldsøgur
• 1945 – Fornmálasagnir og fornmálaljóð
• 1945 – Hávamál, yvirsett
• 1946 – Gróðrarnýtsla fyrr
• 1949 – Sær er siður á landi, endurminnngar
• 1950 – Føroysk Plantunøvn
• 1951 – Yvirlit yvir Føroya søgu
• 1952 – Gróður og gróðrarvánir
• 2001 – Rakul – og aðrar søgur

Kelda

• Løgtingið 150 – Hátíðarrit, bind 2 (2002), s. 343. (PDF Archived 2006-09-27 at the Wayback Machine)
• Fiskimannafelag.fo.