Palli Augustinussen

Palli Augustinussen (føddur 16. desember 1980 í Vági) er føroyskur fótbóltsspælari, miðvallaleikari. Palli er liðskipari á besta liðnum hjá FC Suðuroy, sum í 2012 leikar í Effodeildini. Palli skoraði trý mál í 2010 í Vodafonedeildini, tað fyrsta málið varð í dystinum móti HB, sum endaði við javnleiki 4-4. Annað málið var ímóti Víkingi á útivølli og tað triðja var ímóti B68 á heimavølli. Harumframt skoraði Palli eisini eitt mál í dystinum um Løgmanssteypið móti Skála, sum FC Suðuroy vann 6-1.

Palli Augustinussen
er eitt	menniskja
Fødd(ur)	16. des 1980 í/á Vágur
Starv	fótbóltsleikari
Dátuheiti
Commons	Palli Augustinussen

Palli Augustinussen sæst fremst á myndini, maðurin høgrumegin er Obi Charles, maðurin vinstrumegin er Suni úr Hørg.

Føroyska A-landsliðið

Palli Augustinussen hevur verið úttikin til føroyska A-landsliðið nakrar ferðir og spælt ein dyst fyri Føroyar, tað var í 2002. Palli var við í hópinum í 2004 og í mai 2009, tá nýggi írski landsliðsvenjarin hjá Føroyum, Brian Kerr, valdi út sín fyrsta hóp.

Altjóða dystir

Palli spældi sín fyrsta altjóða dyst í juli 2001, tað var í UEFA Champions League móti Slavia Mozyr, dysturin endaði javnur 0-0.

Keldur

• Football.fo
• UEFA.com, Palli Augustinussen.
• Football.fo, Bruttohóparnir úttiknir.

Útvortis ávísingar

• FCSuduroy.com.