Naser Khader

Naser Khader (arabiskt:(ناصر خاضر) (føddur 1. juli 1963 í Damaskus) er ein danskur-sýriskur skribentur, fyrilestrarhaldari og politikari. Hann var fólkatingslimur fyri Radikala Vinstra 2001-07. Hann var ein av stovnarunum av flokkinum Ny Alliance. Hann stovnaði felagsskapin Demokratiske Muslimer í sambandi við gøluna um Muhammedtekningarnar.

Naser Khader
Senior Fellow, Hudson Institute
Limur í Danska Tjóðartinginum for Østjyllands Storkreds
Núverandi
Tók við starvinum 18. juni 2015
Persónlig kunning
Fødd(ur)	1. juli 1963 Damaskus, Sýria
Tjóðskapur	Danskur
Politiskur flokkur	Det Konservative Folkeparti
Onnur politisk tilknýti	Radikale Venstre, Ny Alliance
Sambúgvi	Bente Dalsbæk (til 2010)
Børn	2
Starv	Senior Fellow, Hudson Institute, Miðeystur-serfrøðingur og sjónvarpsviðmerkjari, útvarpsvertur
Starvsgrein	Cand.polit.
Átrúnaður	Islam
Heimasíða	http://www.khader.dk

4.-5. apríl 2007 vóru Naser Khader og Bente Dalsbæk, sum tá vóru par, í Føroyum og hildu hvønn sín fyrilestur í Miðlahúsinum í Havn.

Útbúgving

Árini 1975-80 gekk Naser Khader í fólkaskúla og 1980-83 á studentaskúla í Keypmannahavn. Hann var tann fyrsti danin við útlendskari bakgrund, sum fekk stundentsprógv. Hann er cand.polit. frá Københavns Universiteti, har hann var innskrivaður 1986-93.

Harumframt hevur hann lisið mellemøststudier á Odense Universiteti 1991-93, fjarlestur í islam, m.a. summarskeið á al-Azhar Universitetinum i Kairo 1997, og er útbúgvin innan retorikk og miðlan á Aarhus Universiteti 1994-95. Hann hevur fleiri ferðir verið á námsferð í Miðeystri og hevur verið á fleiri tulkaskeiðum.

Arbeiðslív

• 1983-98 arabiskur tulkur og týðari
• 1989-97 týðari/konsulentur fyri DR
• 1996-97 konsulentur í Dansk Almennyttigt Boligselskab

Politiskt lív

Naser Khader hevur verið limur í Radikala Vinstra árini 1984-2007 og verið Keypmannahavnskur býráðslimur árini 1997-2000. 7. mai 2007 stovnaði Naser Khader saman við politikarunum Gitte Seeberg og Anders Samuelsen nýggja flokkin Ny Alliance.

Nevndararbeiði

• 1998-2001 limur í etiska ráðnum
• 2000-2001 limur í »tænketankinum« um integratión hjá danska innanríkisráðnum
• 1999-2000 nevndarlimur í Lokale- og Anlægsfonden
• 1998-? limur í nevndini hjá Nyt Europa

Bókaútgávur

• Ære og Skam, Borgen (1996)
• khader.dk (saman við Jakob Kvist), Aschehoug 2000
• Nasers Brevkasse. Interview ved Elisabeth Svane, Gyldendal Uddannelse (2001)
• Naser Khader og folkestyret - de første fire år. Politiken (2005)

Heiðurslønir

• Forfatterforeningens pris for Fred og Mellemfolkelig Forståelse, aug. 1998
• HK's Kulturpris, 1998
• AFS-Interkulturs Interkulturprisen 1999
• Modermål-Selskabets Modersmål-Prisen 2000
• Junior Chambers pris som The Outstanding Young Person 2001
• P.A. Heiberg Prisen, Dansk Pen's ytringsfrihedspris, 2002.
• Jyllands-Postens Fonds Ytringsfrihedspris, 2006.

Privat

Foreldur hansara eita Ahmed Abu Khader og Sada Abu Khader. Hann livdi saman við løgfrøðinginum og rithøvundanum Bente Dalsbæk frá 2003 til 2010 saman við trimum børnum, hann átti eina dóttir frammanundan og hon átti ein son, í 2004 fingu tey ein son saman. Hon flutti frá honum í 2010. Hann var fólkatingslimur fyri Radikale Venstre, tá tey komu saman, og hon var tá taluskrivari fyri Christian Majdahl, sum var Fólkatingsins formaður tá.

Keldur

• Folketinget.dk Dato: 21. juli 2003.
• Naser Khader
• Ny Alliance
• Nyhedsmagasinet Danske Kommuners tema om VL-grupper Archived 2007-09-27 at the Wayback Machine (bert atgeingi fyri haldarar)