Mikhail Gorbatjov
Mikhail Sergejevitj Gorbatjov (russiskt:Михаи́л Серге́евич Горбачёв), føddur 2. mars 1931 í Privolnoje, Severo-Kavkasskij kraj, í Suðurrusslandi, deyður 30. august 2022 í Moskva[1]) var sovjettiskur politikari og seinasti leiðarin í Sovjetsamveldinum, frá 1985 til 1991, herav Fyrsti floksskrivarin í Kommunistaflokki Sovjetsamveldsins frá 10. mars 1985 til 24. august 1991 og forseti í Sovjetsamveldinum frá 15. mars 1990 til 25. desember 1991.
Gorbatjov varð borin í heim í Stavropol økinum í norðurpartinum av fjallarøðini Kavkasus. Hann las løgfrøði í Moskva, har hann í 1956 giftist við Raisa Maksimovna Titorenko (1932-1999).
Gorbatjov tók við valdinum í Sovjetsamveldinum í 1985, har hann læt samveldið upp fyri vesturheiminum, og stóð fyri fleiri grundleggjandi broytingum í sovjettiska samfelagnum, undir heitunum: “glasnost” og “perestrojka”.[2] Eisini stóð hann saman við Ronaldi Reagan fyri avdubbing av kjarnorkuvápnum seinast í 1980-unum. Gorbatjov var við sínum reformum viðvirkandi til, at jarntjaldið fall og eystantjaldslondini upploystu. Harafturat játtaði hann at sameina Týskland.
Í 1990 fekk Gorbatjov eina Nobel-friðarheiðursløn fyri at virka fyri friði og avdubbing.[3]
Slóðir úteftir
rætta- Mikhail Gorbatjov er deyður 91 ára gamal Archived 2022-09-04 at the Wayback Machine, kvf.fo, 31.08.2022
- Gorbatjov endaði kalda kríggið millum eystur og vestur Archived 2022-09-04 at the Wayback Machine, kvf.fo, 31.08.2022
Kelduávísingar
rætta- ↑ Heintz, Jim (30. August 2022). "Mikhail Gorbachev, who steered Soviet breakup, dead at 91". The Associated Press. https://apnews.com/article/russia-ukraine-mikhail-gorbachev-obituaries-5cb7a604243668f08dfaed953c09559e.
- ↑ Putin kondolerar, in.fo, 31.08.2022
- ↑ Mikhail Gorbatjov er deyður, dimma.fo, 31. august 2022
 | Hendan greinin er ein stubbi. Tú kanst hjálpa Wikipedia við at víðka hann. |