Manskt mál

Manskt (Gaelg, Gailck, Manx ella Manx Gaelic) er upprunamálið á oynni Mann. Manskt er eitt goideliskt (gæliskt) mál, runnið úr mið-írskum. Seinasti maðurin, sum hevði manskt sum móðurmál, Ned Maddrell, doyði í 1974. Talumálið á Mann í dag er enskt.
Seinnu árini hevur málið fingið uppreisn, og fleiri mannbúgvar læra í dag manskt sum annað mál (eftir enskt), og í manska tinginum Tynwald verða nýggju lógirnar upplisnar á bæði manskum og enskum máli.

Manskt (yn Ghaelg - yn Ghailck)
Tosað í:	Mann (Isle of Man) Sum móðurmál: (Nøkur fá børn) (2001), sum nr. tvey mál: 1.689 (2001)
Tosandi íalt:	1.689 (2001) Mann (Isle of Man) Útdeytt sum talumál í 1974, afturlívgað stutt aftaná
Málætt:	Indo-evropeiskt   keltiskt     oyggja-keltiskt      goideliskt       manskt.
Málkotur
ISO 639-1:	gv
ISO 639-2:	glv
ISO 639-3:	glv .

Tvímælt skelti á manskum og enskum við Douglas, høvuðsstaðin á Mann

Manskt er nær skyldt við írskt og skotskt gæliskt.