Kvæðamál

Kvæðamál er heitið ið verður brúkt í orðabókum um føroysk orð, helst gomul orð, ið finnast í føroysku kvæðunum, men sum neyvan verða brúkt í talumálinum annars.

Dømi um kvæðaorð eru:

baldur: djarvur
fljóð: kvinna
hors: ross
marur: hav
ólivantur: fílur
rúnarmaður: "gandakallur" (maður, ið "rúnar", gandar við rúnum)
sprund: kvinna
vatur: vatn

Summi av hesum liva tó sum partar av samansettum orðum, t.d. marur í marbakki, marfluga, marmennil o.s.fr.