Hotel Føroyar er eitt hotell í Tórshavn, sum læt upp í mai 1983 við sama navni. Fá ár seinni, miðskeiðis í 1980'árunum, keypti reiðarin Jákup Joensen (Jákup í Lopra) hotellið, sum fekk navnið Hotel Borg. Navnið minti harvið um nøvnini á skipum hansara, sum øll endaðu við borg, eitt nú Akraborg, Nýborg og Polarborg. Í 1991 keypti Smyril Line hotellið og rak tað til 2005, tá tað varð selt til ein bólk av starvsfólkum og aðrar íleggjarar.[1] Hotellið liggur omanfyri Havnina við útsýni yvir býin, Viðalundina Kerjalon og Nólsoynna. Stutt frá hotellinum liggur Vallaraheimið Kerjalon.

Hotel Føroyar í 2005.

Tá hotellið varð bygt var uppgávan hjá arkitektunum var at laga seg sum best til lendið og landslagið. Uttan er Hotel Føroyar eyðkent fyri sínar longu linjur í landslagnum. Húsið er ein partur av nátturini, líkasum skorið inn í lendið við hamrum, men hesir hamrar eru úr glasi, sum skyggja í ljósinum.[2] Hotellið hevur flagtak.

KunningRætta

  • Bygt ár: 1983.
  • Kømur: 106.
  • Teknað hotellið hevur: Friis & Moltke A/S.
  • Matstova: KOKS og GRAS.

SambandRætta

  • Adressa: Oyggjarvegur 45, 110 Tórshavn, Føroyar.
  • Tel.: 317500.
  • T-postur: hf@hotelforoyar.fo.

KeldurRætta

  1. travelpeople.dk
  2. hotelforoyar.fo

Útvortis ávísingRætta


Sí miðlasavnið