Hanna Jensen
Hanna Jensen (fødd 19. februar 1973 í Leirvík) er ein føroyskur studentaskúlalærari og politikari (Framsókn). Hon var ein av stigtakarunum til at stovna Framsókn og er næstforkvinna í flokkinum.[1] Frá 2011 til 2015 var hon fyrsta varatingfólk hjá Framsókn og tók sæti fleiri ferðir á tingi. Á løgtingsvalinum 2015 varð hon vald inn á Føroya Løgting.
| Hanna Jensen | |
|---|---|
 | |
| er eitt | menniskja |
| Fødd(ur) | 19. feb 1973 í/á Leirvík |
| Alma mater | Københavns Universitet, Fróðskaparsetur Føroya |
| Starv | politikari, lærari |
| Politiskur flokkur | Framsókn, Hin føroyski fólkaflokkurin |
| Dátuheiti | |
| Commons | Hanna Jensen |
Hanna er útbúgvin M.A. í føroyskum og fronskum máli og bókmentum frá Københavns Universitet og Fróðskaparsetur Føroya, harumframt hevur hon eisini tikið próvtøku í pedagogikk og stjórnmálafrøði. Hon starvast sum studentaskúlalærari og lestrarvegleiðari á Studentaskúlanum og HF-skeiðnum í Eysturoy síðan 2005, áðrenn tað undirvísti hon á Tekniska Skúla í Klaksvík. Hon býr í Norðagøtu.
Hon hevur verið býráðslimur í Eysturkommunu síðan 2009, og er forkvinna í Mentanarnevndini.[2] Hon umboðaði Fólkaflokkin til 2011, tá ið hon, Poul Michelsen og onnur tóku stig til at stovna Framsókn.[3]
Hanna hevur verið franskur konsul í Føroyum síðan 2010.[4]
Keldur rætta
- ↑ "framsokn.fo - Hanna Jensen". http://www.framsokn.fo/hanna+jensen_yuma.html. Heintað 2015-09-04.
- ↑ "Archive copy". http://www.eysturkommuna.fo/Default.aspx?pageid=8644. Heintað 2015-09-04.
- ↑ "Archive copy". http://aktuelt.dev.mashema.com/page/grein/nyggi_flokkurin_hja_poul_eitur_framsokn. Heintað 2012-07-22.
- ↑ http://aktuelt.fo.webtestlink.com/grein/oskan_forpurrar_konsulskifti[deyð leinkja]