David Carry
David Carry (føddur 8. oktober 1981 í Aberdeen) er ein skotskur svimjari, sum er kvartur føroyingur. Omma hansara er úr Klaksvík.[1] Hann svimur best í frísvimjing. Hann hevur umboða Skotland á Commonwealth Games í 2002, 2006 og 2010. Í 2006 vann hann gull á hesum leikum í 400 metrum frí og í 400 metrum blandað. David hevur umboða Stórabretland á Summar-OL 2008 í 400 metrum frí og 4x200 metrar frí og á Summar-OL 2012 í 400 metrar frí. Hann gjørdist nummar 7 í innleiðandi við tíðini 3:47.25 og kom í finaluna. Hann svam við tíðini 3:48.62 í finaluni og gjørdist nummar 7. Føroyski Pál Joensen svam í somu kapping, hann gjørdist nummar 10.
Persónligu bestu tíðir og met
rætta| Kapping | Á langgeil | Á stuttgeil |
|---|---|---|
| 100 m frísvimjing | 50.64 | 49.66 |
| 200 m frí | 1:46.47 NR | 1:45.63 |
| 400 m frí | 3:47.17 NR | 3:40.51 |
| 400 m blandað, einstaklinga | 4:15.98 | 4:13.83 |
| Lykil NR:Bretsk met | ||
Keldur
rætta- ↑ "Sportal.fo, Kvarti føroyingurin í finaluni". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2012-07-31. https://web.archive.org/web/20120731201200/http://sportal.fo/grein/kvarti_foroyingurin_i_finaluni. Heintað 2012-07-30.