Bouvetoy

Bouvetoy
Bouvetoyggin við Antarktis avmyndað úr rúmdini í 2001.
Landafrøði

Vídd	49 km² (780 m)
Umsiting
Land	Noreg
Íbúgvalæra
Fólkatal	0 (2023)

Bouvetoy (á norskum: Bouvetøya) er ein lítil oyggj í Antarktis sum hoyrir til Noreg (hjáland). Landaøki er 49 ferkilometrar. Bouvetoyggin liggur á næstan sama breiddarstigi sum Føroyar, men bara á syðru hálvu. Hóast tað er kalt, er havið kring oynna ríkt og føðir kópar, pingvinir og fugl, sum halda til á oynni. Onki fólk býr har. Bouvetoy er heimsins mest fjarskotna óbygda oyggj og er í Suðuratlantshavinum. Temperatururin liggur undir frostmarkinum meginpartin av árinum, og har er nógvur vindur bæði dag og nátt. Bouvet liggur á Miðatlantsrygginum. Her koma tvær stórar plátur í jarðarskorpuni saman.

Bouvet er eitt tað mest avbyrgda staðið í heiminum. Oyggin er umleið mitt millum Suðurafrika og Antarktis. Fyrstu ferð rannsóknarfarar vistu um Bouvet var um 1739. Bouvet er uppkallaður eftir Jean-Baptiste Charles Bouvet de Lozier. Bouvetyggin var funnin hin 1. januar 1739 av franska sjófararanum Lozier. Oyggin æt upprunaliga Cap de la Circoncision. Bouvet gjørdist norskt hjáland 1. des. 1927. Oyggin verður umsitin av Justis- og beredskapsdepartementet (JD).

Landið er alt avtakið við kava, og jørðin er botnfryst. Oman á Bouvet er ovurstórur ískappi, ið hylur um 93% av øllum landinum.  Um summarið er hitin sjáldan omanfyri frostmarkið. Ofta eru harðar ódnir. Oyggin er friðað og tað krevur eitt loyvið at sleppa út á oynna. Hon er knappar 10 km long og 7 km breið. Bouvetoyggin er rættiliga høg. Olavtoppen (780 m.) er hægsta fjall á Bouvetoynni. Bouvet er av vulkanskum uppruna.

Dýrini eru til dømis pingvin, súlukongur, hvalur og kópur. Um summarið fer nógvur kópur higar at leggja, og nógvur fuglur og pingvinir eiga eisini her. Minst 12 fuglasløg reiðrast fast í Bouvet. Fýra tey vanligastu kópasløgini í sjónum við Bouvet eru sjóleopardur, krabbakópur, rosskópur og veddellkópur. Tilsamans eru eini 18 ymisk sløg av pingvinum til í heiminum, men bara nøkur fá teirra eru vanlig á Bouvet. Minni enn 7% av Bouvet er ísfrítt. Har veksur bara mosi og skón.

Oyggin liggur 2,600 km sunnanfyri Suðurafrika. Suðureftir er opið hav líka suður til ísbrúnna á Antarktis.