The Rolling Stones

The Rolling Stones er ein enskur tónleikabólkur úr London, sum fór undir virksemi sítt fyrst í 60'unum. Kjarnin í bólkinum hevur síðan fyrstan tíð verið barndómsvinirnir Mick Jagger og Keith Richard, hóast høvuðsmaðurin fyrstu árini var Brian Jones (deyður í 1969). Upprunaliga høvdu flestu limirnir eina fortíð í bluesbólkinum hjá Alexis Korner, men skjótt var, at teir stóðu á egnum beinum og gjørdist sera vælumtóktir í klubbunum í enska høvuðsstaðnum. Tá ið Andrew Loog Oldham gjørdist managari hjá teimum syrgdi hann fyri at fáa teimum plátusáttmála. The Rolling Stones fingu sáttmála við plátufelagið Decca Records, sum á sinni avvístu The Beatles. George Harrison hevði víst produsaranum hjá Decca, sum á sinni vísti Beatlunum frá sær á London bólkin. Fyrsta singulplátan hjá Stones, sum kom á hittlistan var I Wanna Be Your Man, ið Lennon og McCartney høvdu skrivað.

The Rolling Stones (V-H): Ron Wood, Charlie Watts, Mick Jagger og Keith Richards. Frakland 2006.

The Rolling Stones 1965: Brian Jones, Charlie Watts, Mick Jagger, Keith Richards, Bill Wyman

Pláturnar hjá Rolling Stones

Studio plátur

• 1964: The Rolling Stones
• 1965: The Rolling Stones No 2
• 1965: Out Of Our Heads
• 1966: Aftermath
• 1967: Between The Buttons
• 1967: Their Satanic Majesties Request
• 1968: Beggar's Banquet
• 1969: Let It Bleed
• 1971: Sticky Fingers
• 1972: Exile On Main St
• 1973: Goats Head Soup
• 1974: It's Only Rock 'N' Roll
• 1976: Black And Blue
• 1978: Some Girls
• 1980: Emotional Rescue
• 1981: Tattoo You
• 1983: Undercover
• 1986: Dirty Work
• 1989: Steel Wheels
• 1994: Voodoo Lounge
• 1997: Bridges To Babylon
• 2005: A Bigger Bang
• 2016: Blue & Lonesome
• 2023: Hackney Diamonds