Stavrað

Eitt stavrað er eitt rað av bókstavum. Hvør bókstavur umboðar eitt ljóð. Bókstavirnir eru antin sjálvljóð ella hjáljóð. Tað føroyska stavraðið sær soleiðis út:

A Á B D Ð E F G H I Í J K L M N O Ó P R S T U Ú V Y Ý Æ Ø

Í føroyskum teksti síggjast kortini av og á aðrir stavir, til dømis c, q, ü, w, x, z, å og þ, tá ið fremmandaorð verða endurgivin.

Tvíljóðini eru: EI EY OY

Raðan av orðum á teldu

Ymisk mál raða (en: lexiographical ordering) mangan orð ymiskt, eisini um málini nýta somu stavir.

Á teldu kann raðan av orðum gerast á føroyskum við at áseta "locale", t.d. export LANG=fo_FO.utf8 (->sourceforge: LANG), áðrenn raðan verður framd, til dømis við sort (-> en.wp: sort (Unix)).

Í forritum ávirkar "locale" funkur sum strcoll og wcscoll. (-> en.wp: C localization functions)

Føroysk stavraðan

Føroyskar orðabøkur hava nýtt ymiska stavraðan yvir tíð. Til dømis er "á" viðhvørt raðað sum stakur stavur eftir "a", og viðhvørt sum javnsett, men fylgjandi eftir, "a".

Í Orðafar (Orðafar 53) verður mælt til at stavraða bøkur og greinir, fólkanøvn, landafrøðilig nøvn o.s.fr. sum víst niðanfyri.

Stakir stavir í føroyskari stavraðan eru tá hesir

• a á b c d ð e f g h i í j k l m n o ó p q r s t þ u ú v w x y ý z æ ø å

Har skilt verður millum stórar og smáar stavir, verða stórir stavir vanliga raðaðir undan smærri.

Tøl 0,1,2,3,4,5,6,7,8,9 vera vanliga raðað undan stavum.

Stavir til raðan á føroyskum

• a aa à â ã
• á
• b
• c ç c
• d
• ð
• e é è ê ë e
• f
• g
• h
• i ì î ï
• í
• j
• k
• l ł
• m
• n ñ
• o ò ô õ
• ó
• p
• q
• r
• s ß s š
• t
• þ
• u ù û ü
• ú
• v
• w
• x
• y ÿ
• ý
• z ž
• æ ä
• ø ö
• å