Pia Merete Kjærsgaard (f. 23. februar 1947 í Keypmannahavn)[1] er ein danskur politikari. Hon stovnaði flokkin Dansk Folkeparti í 1995 saman við Kristian Thulesen Dahl, Ole Donner og Poul Nødgaard og hevur verið forkvinna í flokkinum í 17 ár (1995-2012) og hevur umboða flokkin á Fólkatinginum øll árini. Áðrenn hon stovnaði Dansk Folkeparti, var hon limur í Fremskridtspartiet, og hon sat á Fólkatinginum umboðandi Fremskridtspartiet tíðarskeiðið 1984-1995.Fyrstu ferð hon tók sæti á Fólkatingið var í 1984, tá hon tók sæti sum eykavald fyri Mogens Glistrup, sum fekk fongsulsdóm, og tí noyddist frá. Innanhýsis stríð í Fremskridtspartiet førdi til, at Pia Kjærsgaard fór úr flokkinum og saman við øðrum stovnaði nýggja flokkin Dansk Folkeparti, sum førdi ein høgravendan politikk og sum ynskti at stramma upp á útlendinga økinum. Kjærsgaard leggur frá sær sum forkvinna fyri Dansk Folkeparti í 2012, og hon peikar upp á Kristian Thulesen Dahl sum avloysara sín. 11. august 2012 kunnaði hon tingbólkin um avgerðina, sum bert fá hava vitað um hesar sjey mánaðirnar, meðan hetta hevur verið planlagt.

Pia Kjærsgaard
er eitt menniskja
Fødd(ur) 23. feb 1947 í/á Keypmannahavn
Starv politikari, sjálvævisøguhøvundur, heimahjálpari
Politiskur flokkur Dansk Folkeparti
Mál danskt mál
Dátuheiti
ISNI 0000000114477887
VIAF 73349514
LCAuth nb99023193
IMDB nm1527933
Commons Pia Kjærsgaard

Keldur rætta

  1. Politiken.dk, Blå bog om Pia Kjærsgaard