Gunnar Zachariasen
Gunnar Zachariasen (føddur 22. januar 1992 - deyður 25. september 2014) var ein føroyskur fótbóltsleikari, miðvallari, sum spældi fyri EB/Streym í 2013-14 og fyri U21 landsliðið hjá Føroyum. Áður spældi hann við U19 landsliðnum hjá Føroyum.
Lívsleið innan fótbólt rætta
Landsliðsmál fyri U21 landsliðið rætta
Hin 7. juni 2013 spældi Gunnar landsdyst fyri U21 landsliðið hjá Føroyum móti Rumenia. Hann skoraði mál fyri Føroyar eftir 29 minuttir.
Fótbóltsfeløg rætta
- 2013-14 EB/Streymur
- 2012 B36
- 2011-12 Akademisk Boldklub
- 2010-11 - Brøndby IF U19
- 2009-10 - Brøndby IF U17
Andaðist í arbeiðsvanlukku rætta
Gunnar Zachariasen arbeiddi í lastini umborð á einum grønlendskum skipi, sum var fyrrverandi Skálaberg. Har hendi ein arbeiðsvanlukka undir lossing. Teir høvdu hálað ein platt fullan av frystum fiski heilt upp úr lastini, tá platturin knappliga brotnaði, og eskjurnar raplaðu niður í lastina aftur. Gunnar stóð beint undir plattinum og fekk eskjurnar omanyvir seg.[1] Hann doyði á staðnum.[2]