Munurin millum rættingarnar hjá "Fámjin"

{{Infoboks Bygd|

}}

'''Fámjin''' liggur mitt á vestursíðuni á [[Suðuroy]]nni, sum mest sum øll er høg og brøtt og ring at koma til. Einans heilt fáar bygdir eru at finna her.

 

Norðan- og vestanfyri er bakkin høgur og brattur undir [[Gluggarnir|Gluggunum]] (610 m), hægsta fjalli í Suðuroy, har markið er móti [[Froðba|Froðbiar]] sókn. Millum Laðafelli og Borgarknapp er markið móti [[Hov]]i, og víðari úr hesum vakra tindi yvir Borgina og Glopprók í Gásadalsgjógv er markið móti [[Vágur|Vági]]. Sunnan fyri bygdina er bakkin eisini høgur. Gjøgnum tann breiða dalin, ið er umgivin av kambum, tindum og botnum, rennur Áin Mikla. Fleiri smá vøtn eru við ánna. Á hjallanum norðanfyri bygdina er tað stóra [[Kirkjuvatn]].

 

24 [[mørk|merkur]] í jørð eru í Fámjin, av teimum 2 merkur og 5 [[gyllin]] kongs. Hagarnir eru Botnur, Múlhagi, Rókhagi, Fjallið Mikla, Miðhagi, Hamrahagi og Fløtan. Í Fámjin er smoltstøð.

 

Navnið Fámjin er sjáldsamt, og torført er hjá málfrøðingum at týða, hvønn uppruna tað hevur. Men gomul søgn sigur, at bygdin fyrr æt '''Vesturvík'''. So hendi tað, at maður í bygdini og sonur hansara fingu fatur á tveimum konufólkum av einum [[Frakland|fronskum]] skipi, ið lá uttanfyri. Tá ið skipsmenninir sóu, at teir róðu til lands við teimum, fóru teir at rópa:

:''femme mien, femme mien!''

Soleiðis skuldi bygdin broyta navn. Brim kom og skipið sigldi burtur. Feðgarnir tóku sær hesar báðar til konu. Mangir sterkir avrekskappar sigast at vera komnir undan teimum.

 

Fámjins kirkja er bygd í [[1875]], hon er úr gróti, hvítkálkað og takt við fløgugróti. í kirkjuni hongur tað fyrsta føroyska flaggið, [[Merkið]], sum [[Jens Olivur Lisberg]] úr Fámjin gjørdi í [[1919]] saman við Janusi Øssurssyni og Paula Dahl. Jens O. Lisberg, d. [[1920]], liggur grivin í kirjugarðinum. Í forkirkjuni stendur ein [[rúnasteinur]], funnin í kirkjugarðinum, óivað gravsteinur. Kirkjan undan hesari varð bygd í [[1826]], í miðøld skal hava verið [[bønhús]] í Fámjin.

 

== Útvortis ávísing ==

* [http://www.faroestamps.fo/?side=ddad5135e230e81d1ea4b7739609e1ea Faroestamps.fo: Fámjin] ('''kelda''')