Munurin millum rættingarnar hjá "Jørðin"

'''Jørðin''' ([[file:Earth symbol (fixed width).svg|16px|🜨]]), bústaður okkara í alheiminum, er ein av teimum átta [[Gongustjørnur|gongustjørnunum]], sum eru í ringrás um [[Sólin|sólina]] (áður varð hildið, at Pluto var gongustjørna, men tað varð seinni mett, at hon ikki var). Jørðin er einasti himinknøttur, sum vísindamenn vita, at lív er á, tí at í lofthavinum um jørðina er súrevni og í høvunum vatn - bæði treyt fyri alt lív. Drúgvir tveir triðingar av jørðini eru vatn, í [[Hav|høvum]], ísi, vøtnum og áum. Tað, ið eftir er, eru sjey ovurstór meginlond, kallað [[heimspartar]], við skiftandi landslagi og fjølbroyttari náttúru. Har eru høgir og óførir fjallaryggir, langar áir og víðar [[Oyðimørk|oyðimerkur]]. Teir sjey heimspartarnir, sum eru turra lendið oman fyri sjógvin á jørðini, eru [[Asia|Ásia]], [[Afrika]], [[Norðuramerika]], [[Suðuramerika]], [[Antarktis]], [[Evropa]] og [[Kyrrahavsoyggjarnar]] við [[Avstralia]] (eftir stødd). Kring [[Arktis|Norðurpólin]] og [[Antarktis|Suðurpólin]] eru póløki, sum ikki síggjast á einum fløtum korti, men síggjast á globusunum.