Frá 2010 til 2014 høvdu næmingar og lærarar í Føroyum ókeypis atgongd til orðabøkur Sprotans. Hetta var ein royndarskipan, og [[Mentamálaráðið]] fíggjaði tænastuna. Tann [[1. januar]] [[2015]] gekk sáttmálin út, eftir at Mentamálaráðið hevði sagt sáttmálan upp og kravdi, at [[Kommunufelag Føroya|Kommunufelagið]] rindaði sín part. Næmingarnir mistu ókeypis atgongdina til orðabøkurnar, tá ið tey ikki vóru í skúla. Hetta hevði við sær nógv mótmæli, m.a. settu studentaskúlanæmingar úr Hoydølum og Suðuroynni seg í trappuna ein dag og mótmæltu. Í skúlanum á Oyrarbakka vóru næmingar í framhaldsdeidini ikki í skúla í ein dag fyri at mótmæla. Á Eysturskúlanum í Havn vóru mótmæli, og undirskriftir vóru savnaðar og handaðar borgarstjóranum í Havn, Heðin Mortensen. Hann lovaði, at ein loysn fór at koma heilt skjótt.<ref>[http://www.in.fo/index.php?id=42&tx_news_pi1%5Bnews%5D=176240&tx_news_pi1%5Bcontroller%5D=News&tx_news_pi1%5Baction%5D=detail&cHash=f3c333cce4b4fdefb49e19fafbcfc94a in.fo - Heðin vil loysa Sprota-málið fyri allan heimin]</ref>
=== Orðabøkur Sprotans ókeypis til allan heimin ===
