Úrslitið av fólkaatkvøðuni í 2013 á Falklandsoyggjunum er greitt: Næstan 100 prosent av teimum, ið greiddu atkvøðu, siga ja til, at oyggjalandið framhaldandi skal vera partur av [[Stóra Bretland]]i <ref>http://news.yahoo.com/falklands-vote-shows-99-8-pct-want-stay-034859843.html</ref><ref>http://www.euronews.com/2013/03/12/falkland-islanders-vote-99-percent-to-remain-british-in-referendum/</ref>. 99,8 prosent av falklendingum hava atkvøtt ja til Stóra Bretland. Meirlutin er so stórur, at hann næstan er skemtiligur, men hetta gjørdist úrslitið av fólkaatkvøðuni á Falklandsoyggjunum, og tað kemur ikki óvart á: Falklendingar vilja vera partur av [[Stóra Bretland]]i, soleiðis sum allar kanningar frammanundan fólkaatkvøðuni eisini vístu púra greitt. 1517 fólk greiddu atkvøðu, og hetta er ein valluttøka uppá 92 prosent. Og bara tríggir av teimum 1517 veljarunum søgdu nei til Stóra Bretland. Falklendingar minnast enn serstakliga væl, tá [[Argentina]] gjørdi innrás í 1982 og tað óhugnaliga kríggið, sum valdaði í tríggjar vikur, til Stóra Bretland hevði bart argentinarar aftur. Fólkaatkvøðan varð hildin, tí Argentina heldur fram at trýsta á fyri at fáa bretar at sessast við samráðingarborðið. Argentina vil hava oyggjalandið undir sítt ræði, men [[London]] hevur víst hesum frá sær.
