Munurin millum rættingarnar hjá "Hannover"

Content deleted Content added
nýggj síða
(Ongin munur)

Endurskoðan frá 18. aug 2019 kl. 17:10

Hannover (enskt: Hanover) er ein býur í norðara parti í Týsklandi. Býurin, ið liggur um 150 km sunnanfyri Hamburg, er høvuðsstaður í stakríkinum Niedersachsen.

Hannover. Ráðhúsið í miðbýnum.
Miðbýurin úr erva.

Við ársbyrjan 2018 búðu um 535.061 fólk í býnum.[1] Harvið er Hannover størsti býur í stakríkinum og 13. størsti í Týsklandi.

Hannover er universitetsbýur. Lærdi háskúlin varð settur á stovn í 1831. Síðan 2006 er Universität Hannover uppkallað eftir heimsgitna vísindamanninum og fjølfrøðinginum Gottfried Wilhelm Leibniz, sum livdi frá 1676 til 1716 í býnum.

Áin Leine rennur ígjøgnum býin.

Søga

Fyrstu ferð Hannover verður nevndur í skrivligum keldum, er í miðøldini. Býurin verður nevndur sum Vicus Hanovere í einum skjali frá árinum 1150. Búsetingin fekk síni býarrættindi í 1241. Í 1692 gjørdist Hannover 9. kurfúrstadømið í Heilaga rómverska ríkinum. Frá 1814 til 1866 var Hannover høvuðsstaður í kongsríkinum Hannover. Í 1866, undir krignum millum Eysturríki og Prussland, hevði kongsríkið Hannover verið í parti við eysturríkarunum. Teir taptu móti Prusslandi, og tí varð kongadømið Hannover tikið av eftir krígslok. Tað gjørdist ein landslutur í Prusslandi, men býurin Hannover var framhaldandi høvuðsstaður í tí nýggja landslutinum. Undir Seinna heimsbardaga vórðu stórir partar av býnum oyðilagdir.

Myndir

Hygg eisini at

Ávísingar úteftir

 
Wikimedia Commons logo
Sí miðlasavnið

Coordinates: 52°22′00″N 09°43′00″E / 52.36667°N 9.71667°E / 52.36667; 9.71667

Keldur