Munurin millum rættingarnar hjá "Kol"

'''Kol''' er eitt slag av [[legugrýti]], ið stavar frá steinrunnum í [[Plantur|plantuleivdum]]. Kol hevur verið høgt líka síðan [[miðøld]]; í [[Føroyum]] tó hey síðan [[17. øld]]. Nøkur nám, sum tey føroysku, eru opin út í lendið, men aðrastaðni liggja tey flestu námini langt undir jørð. Nú á døgum verður nógv framkomin útgerð nýtt í flestu kolanámum í t.d. [[USA]] og [[Evropa]]. Kol liggur ofta í lindum millum aðrar jarðlindir. Í [[Suðuroy]] eru flestu staðir tvær kolalindir, við leirlindum bæði undir, yvir og ímillum. Skilt verður millum tvey sløg av føroyskum koli, [[strípukol]] og [[nýrakol]]. Fólk hava í øldir brent kol til matgerð og hita. Alla [[19. øld]] var kol størsta orkukeldan í heiminum. Dampmaskinurnar, ið elvdu ídnaðarkollveltingina, vóru kolfýrdar. Enn verður nógv kol brent, eisini í elverkum at gera [[Streymur|streym]]. Kol er eisini týdningarmikið ráevni í mongum ídnaði, serliga stál- og [[Jarn|jarnídnaði]]. Kol er uml. 80 til 90 % reint kolevni ella karbon. Tað verður eisini nevnt steinrunnið brennievni, tí tað er komið av plantum, sum vuksu fyri nógvum mió. árum síðan. Í føroyskum koli eru m.a. leivdir av ovurstórum furutrøum, sum vuksu her fyri einum 50 mió árum síðan. Enn er nóg mikið av koli til orku í mong hundrað ár aftrat. Men mong stúra, tí kol dálkar illa, tá ið tað verður brent.