[[Fyrri heimsbardagi]] gjørdi enda á [[OsmannaríkiOsmanska ríkið|Osmannaríkinum]]num. [[Arabiskt|Arábisku]] landslutirnir fingu sjálvræði, og ríkið misti øll landøki síni í [[Evropa]] uttan [[Konstantinopel]], og í [[1923]] legði seinasti [[Osmannaríki|osmanniski]] sultánurin, [[Mohammed 6.]], frá sær. Í [[oktober]] sama ár varð landið lýst lýðveldi, og [[Mustafa Kemal Atatürk|Mustafa Kemal]] ([[19. mai]] [[1881]] – [[10. november]] [[1938]]) varð valdur forseti. Hann var heryvirmaður og hevði verið uppi í at stovna eina tjóðskaparfylking seinast í heimsbardaganum. [[Mustafa Kemal Atatürk|Mustafa]] varð afturvaldur í [[1927]], [[1931]] og [[1935]]; hann varð nevndur ''Atatúrk'', sum merkir "faðir turkanna", og hesi árini setti hann stórar nýskipanir í verk og nútíðargjørdi landið. Ímillum nýskipaninar varð nýggj stýrisskipan, nýggj sivil rættarskipan, valrættur til konufólk, [[latín]]ska stavraðið varð tikið í nýtslu, og fleirkonuhjúnalag varð bannað. Eisini eggjaði hann landsmonnum at ganga í [[Evropa|evropeiskum]] klæðum og skipaði fyri einari fýra-ára [[Búskapur|búskaparætlan]]. [[Mustafa Kemal Atatürk|Kemal Atatúrk]] doyði í [[1938]].
Í [[2007]] var val í Turkalandi, og samstundis harðnaði andstøðan millum [[kurdar]] og turkisku stjørnuna, ið hevur ført við sær eina øking av bæði yvirgangi og av turkiskari nationalismu.
